उत्तर सायप्रसच्या (Cyprus Boat Capsize) सागरी क्षेत्रातून तुर्कस्तानच्या दिशेने निघालेली एक प्रवासी बोट खोल समुद्रात उलटल्याची (Passenger boat capsized) अत्यंत धक्कादायक घटना घडली आहे.
या प्रवासी नौकेमध्ये २६२ प्रवासी आणि ८ कर्मचारी असे मिळून एकूण दोनशे सत्तर जण प्रवास करत होते. बंदरावरून प्रवास सुरू झाल्यानंतर काही अंतरावरच अचानक बोटीच्या तळभागात पाणी शिरू लागले आणि क्षणार्धात संतुलन बिघडून ती पाण्यात कलंडली. या भीषण अपघातामुळे प्रवाशांमध्ये एकच आक्रोश आणि गोंधळ उडाला. (Cyprus Boat Capsize)
मोठ्या प्रमाणावर बचावमोहीम सुरू; स्थानिक नागरिकांचीही मदत दुर्घटनेची माहिती मिळताच सागरी सुरक्षा दल आणि बचाव पथकांनी तातडीने घटनास्थळी धाव घेतली. हेलिकॉप्टर तसेच आधुनिक सुरक्षा जहाजांच्या माध्यमातून समुद्रात बुडणाऱ्या लोकांना बाहेर काढण्याचे काम युद्धपातळीवर सुरू करण्यात आले. प्रशासनाच्या मदतीसाठी स्थानिक मच्छिमार आणि नागरिकांनीही स्वतःच्या लहान होड्या घेऊन मदतकार्यात सहभाग घेतला. आतापर्यंत दीडशेहून अधिक लोकांना सुखरूप बाहेर काढण्यात यश आले आहे.
गिर्ने बंदरावर वैद्यकीय यंत्रणा सज्ज; जखमींवर तातडीने उपचारपाण्यातून बाहेर काढण्यात आलेल्या प्रवाशांना तातडीने बंदरावर आणण्यात येत असून तेथे रुग्णवाहिका आणि विशेष वैद्यकीय पथके सज्ज ठेवण्यात आली आहेत. अनेक प्रवाशांच्या शरीरात पाणी शिरल्याने व भीतीपोटी प्रकृती खालावल्यामुळे त्यांना प्राथमिक उपचार देऊन नजीकच्या रुग्णालयात हलवण्यात आले आहे. डॉक्टर आणि परिचारिकांचे पथक अहोरात्र प्रवाशांच्या सुश्रुषेसाठी कार्यरत आहे.
उर्वरित प्रवाशांचा शोध सुरू; तपासाचे आदेश जारीसमुद्रात बुडालेल्या इतर प्रवाशांचा शोध घेण्यासाठी हवाई आणि सागरी अशा दोन्ही मार्गांनी कसून शोधमोहीम राबवली जात आहे. बोटीमध्ये अचानक पाणी का आणि कसे शिरले, याबाबत अद्याप अधिकृत माहिती समोर आलेली नाही. या संपूर्ण प्रकरणाची सखोल चौकशी करण्याचे निर्देश संबंधित वाहतूक विभागाकडून देण्यात आले आहेत.