या विश्लेषणानुसार स्पेन हा विश्वचषक जिंकण्याचा सर्वात मोठा दावेदार असून त्याच्या विजेतेपदाच्या शक्यता १४.५ टक्के असल्याचे सांगितले गेले आहे.(FIFA World Cup 2026)

डेटा-आधारित या मॉडेलने संघांचा अलीकडील फॉर्म, जागतिक क्रमवारी, खेळाडूंची गुणवत्ता, संघातील संतुलन आणि पूर्वीच्या स्पर्धांतील कामगिरी यांसारख्या विविध घटकांचा अभ्यास केला. त्यानंतर काढलेल्या निष्कर्षांमध्ये स्पेनने इतर सर्व संघांना मागे टाकले आहे.(FIFA World Cup 2026)

स्पेनच्या बाजूने जाणारा सर्वात महत्त्वाचा मुद्दा म्हणजे त्यांच्याकडे असलेली युवा आणि अनुभवी खेळाडूंची मजबूत फळी. गेल्या काही वर्षांत स्पेनने सातत्यपूर्ण कामगिरी केली असून युरोपियन फुटबॉलमध्येही त्यांनी आपले वर्चस्व दाखवून दिले आहे. त्यामुळे आगामी विश्वचषकात ते मोठे आव्हान उभे करू शकतात, असे या विश्लेषणात नमूद करण्यात आले आहे.(FIFA World Cup 2026)

( – Shubman Gill : अफगाणिस्तानविरुद्धच्या शतकानंतर शुभमन गिलची कसोटी क्रमवारीत झेप )

विशेष म्हणजे, विद्यमान विश्वविजेता अर्जेंटिना आणि २०१८ चा विजेता फ्रान्स यांनाही विजेतेपदाचे प्रबळ दावेदार मानले जात असले तरी मशीन लर्निंग मॉडेलमध्ये ते स्पेनच्या मागे आहेत. अर्जेंटिनाकडे अनुभवी खेळाडूंचा मोठा साठा असला तरी संघातील संक्रमण प्रक्रिया सुरू आहे. दुसरीकडे फ्रान्सकडे स्टार खेळाडूंची रेलचेल असली तरी सातत्याचा प्रश्न अधूनमधून समोर येतो.(FIFA World Cup 2026)

तज्ज्ञांच्या मते, अशा प्रकारचे अंदाज केवळ सांख्यिकीय शक्यता दर्शवतात. फुटबॉल हा अनिश्चिततेचा खेळ असल्यामुळे प्रत्यक्ष मैदानावरील कामगिरीच अंतिम निकाल ठरवते. यापूर्वीही अनेक वेळा संगणकीय मॉडेल्सचे अंदाज चुकीचे ठरले आहेत, तर काही वेळा ते अचूकही ठरले आहेत.(FIFA World Cup 2026)

विश्वचषकासारख्या स्पर्धेत दुखापती, फॉर्म, गटसाखळीतील निकाल आणि बाद फेरीतील दबाव यांसारखे अनेक घटक निर्णायक ठरतात. त्यामुळे स्पेनला सर्वाधिक १४.५ टक्के संधी दिली असली तरी त्यांना अद्याप निश्चित विजेता म्हणता येणार नाही.(FIFA World Cup 2026)

हेही पहा –