इंडियन प्रीमियर लीग २०२६ च्या एलिमिनेटर(IPL 2026 Eliminator)सामन्यात राजस्थान रॉयल्सने सनरायझर्स हैदराबादला ४७ धावांनी पराभूत करून स्पर्धेतून बाहेर केले. या विजयामुळे राजस्थानने क्वालिफायर २ मध्ये आपले स्थान निश्चित केले आहे, जिथे त्यांचा सामना २९ मे रोजी गुजरात टायटन्सशी होईल.

या सामन्याचा विजेता अंतिम सामन्यात रॉयल चॅलेंजर्स बंगळूरशी सामना करेल.(IPL 2026 Eliminator)

मुलानपूर येथील महाराजा यादवेंद्र सिंग स्टेडियमवर प्रथम फलंदाजी करताना राजस्थानने २० षटकांत ८ गडी गमावून २४३ धावांचा डोंगर उभा केला. प्रत्युत्तरात, हैदराबादचा संघ १९.२ षटकांत १९६ धावांवर सर्वबाद झाला.(IPL 2026 Eliminator)

राजस्थानच्या डावाचे मुख्य आकर्षण युवा फलंदाज वैभव सूर्यवंशी होता, ज्याने अवघ्या २९ चेंडूंमध्ये स्फोटक ९७ धावा केल्या. त्याच्या या खेळीत ५ चौकार आणि १२ षटकारांचा समावेश होता. त्याने यशस्वी जयस्वालसोबत जलद सलामीची भागीदारी करून संघाला चांगली सुरुवात करून दिली. जयस्वालने २९ धावा केल्या, तर ध्रुव जुरेलने २१ चेंडूंमध्ये ५० धावा केल्या आणि कर्णधार रियान परागने २६ धावांचे योगदान दिले.(IPL 2026 Eliminator)

( – Veer Savarkar Jayanti 2026 : वीर सावरकर; राष्ट्रभक्तीचा स्वर! )

२४४ धावांचे लक्ष्य गाठताना हैदराबादची सुरुवात खराब झाली. जोफ्रा आर्चरने अभिषेक शर्मा, इशान किशन आणि ट्रॅव्हिस हेड यांना लवकर बाद करून राजस्थानला मजबूत स्थितीत आणले. त्यानंतर नितीश रेड्डी आणि सलील अरोरा यांनी पुनरागमन करण्याचा प्रयत्न केला, परंतु संघ लक्ष्यापर्यंत पोहोचू शकला नाही.(IPL 2026 Eliminator)

राजस्थानसाठी आर्चर सर्वात यशस्वी गोलंदाज ठरला, त्याने तीन बळी घेतले. नांद्रे बर्गर, रवींद्र जडेजा आणि सुशांत मिश्रा यांनी प्रत्येकी दोन बळी घेत विजयात महत्त्वाची भूमिका बजावली.(IPL 2026 Eliminator)