“अमेरिका सध्या लष्करी पर्यायांपेक्षा राजनैतिक मार्गाला प्राधान्य देत असला, तरी चर्चा अपयशी ठरल्यास इतर सर्व पर्यायही खुले राहतील,” असे ट्रम्प यांनी स्पष्ट केले.

व्हाईट हाऊसमध्ये पत्रकारांशी संवाद साधताना ट्रम्प म्हणाले की, “अनेक मित्रदेश आणि आखाती (गल्फ) देशांच्या विनंतीनंतर अमेरिकेने इराणसोबतची चर्चा सुरू ठेवण्याचा निर्णय घेतला आहे. इराणने सकारात्मक भूमिका घेतल्यास चर्चेची प्रक्रिया वेगाने पुढे जाऊ शकते,” असा विश्वासही त्यांनी व्यक्त केला. (Iran-US Talks)

: Chandipura virus : गुजरातमध्ये चांदीपुरा विषाणूचा हाहाकार; २२ बालकांचा मृत्यू! जाणून घ्या लक्षणे आणि बचाव

हॉर्मुझ सामुद्रधुनीवरील सुरक्षित वाहतुकीला प्राधान्य

ट्रम्प यांच्या मते, सध्याच्या चर्चेचा पहिला उद्देश हॉर्मुझ सामुद्रधुनी (Strait of Hormuz) परिसरातील आंतरराष्ट्रीय जहाजवाहतूक सुरक्षित आणि सुरळीत करणे हा आहे. जागतिक तेलवाहतुकीसाठी ही सामुद्रधुनी अत्यंत महत्त्वाची मानली जाते. या मुद्द्यावर लवकरच सकारात्मक प्रगती होईल, अशी अपेक्षा त्यांनी व्यक्त केली.

दुसरीकडे, ट्रम्प यांनी सांगितले की, “समुद्री सुरक्षेच्या मुद्द्यावर प्रगती झाल्यानंतर दुसऱ्या टप्प्यात इराणच्या अणुकार्यक्रमासंदर्भातील प्रश्नांवर चर्चा केली जाईल. हा विषय अधिक गुंतागुंतीचा असून, त्यावर तोडगा काढण्यासाठी दोन्ही बाजूंनी संयम आणि सकारात्मक भूमिका आवश्यक आहे,” असेही त्यांनी नमूद केले. (Iran-US Talks)

अमेरिकेचे प्रशासन सध्या राजनैतिक तोडग्यालाच प्राधान्य देत असल्याचे ट्रम्प यांनी पुन्हा स्पष्ट केले. मात्र, चर्चा निष्फळ ठरल्यास आवश्यक त्या इतर उपाययोजनांचाही विचार केला जाईल, असा इशाराही त्यांनी दिला. अमेरिका असा करार करू इच्छिते, ज्यामुळे मध्य पूर्वेतील स्थैर्य, सुरक्षितता आणि जागतिक समुद्री व्यापार अबाधित राहील, असे ते म्हणाले.

: Craving Trap : 'क्रेव्हिंग ट्रॅप'पासून सावधान!

इराणकडून अद्याप अधिकृत प्रतिक्रिया नाही

ट्रम्प यांच्या या ताज्या वक्तव्यावर इराण सरकारकडून अद्याप कोणतीही अधिकृत प्रतिक्रिया देण्यात आलेली नाही. त्यामुळे प्रस्तावित चर्चेची पुढील दिशा काय असेल, याकडे संपूर्ण आंतरराष्ट्रीय समुदायाचे लक्ष लागले आहे. (Iran-US Talks)

गेल्या काही महिन्यांपासून अमेरिका आणि इराण यांच्यात हॉर्मुझ सामुद्रधुनीतील जहाजवाहतूक, प्रादेशिक सुरक्षा आणि इराणच्या अणुकार्यक्रमासंदर्भातील तणाव कायम आहे. आखाती देशांच्या मध्यस्थीने दोन्ही देशांमध्ये संवाद सुरू ठेवण्याचे प्रयत्न सुरू असून, आगामी चर्चांमधून काही सकारात्मक तोडगा निघतो का, याकडे जगभरातील राजनैतिक वर्तुळांचे लक्ष लागले आहे. (Iran-US Talks)

हेही पाहा: