विशेषतः कोकण, घाटमाथा, मुंबई महानगर प्रदेश आणि मध्य महाराष्ट्रातील काही जिल्ह्यांमध्ये अतिवृष्टीचा इशारा देण्यात आला असून, काही ठिकाणी रेड अलर्ट, तर अनेक जिल्ह्यांना ऑरेंज आणि यलो अलर्ट जारी करण्यात आला आहे. पुढील 24 ते 48 तास राज्यासाठी महत्त्वाचे ठरणार असल्याचे हवामान विभागाने स्पष्ट केले आहे.

रेड अलर्ट (Red Alert)

• मुंबई
• ठाणे
• पालघर
• रायगड

ऑरेंज अलर्ट (Orange Alert)

• रत्नागिरी
• सिंधुदुर्ग

कोकण आणि घाटमाथ्यावर अतिवृष्टीची शक्यता

IMD च्या ताज्या अंदाजानुसार, मुंबई, ठाणे, पालघर, रायगड तसेच कोकणातील काही भागांमध्ये अतिमुसळधार पावसाचा धोका कायम आहे. घाटमाथ्यालगतच्या परिसरात काही ठिकाणी अत्यंत मुसळधार पाऊस पडू शकतो. त्यामुळे भूस्खलन, दरडी कोसळणे, नदी-नाले दुथडी भरून वाहणे आणि सखल भागात पाणी साचण्याची शक्यता व्यक्त करण्यात आली आहे.

मध्य महाराष्ट्र, मराठवाडा आणि विदर्भातही जोरदार सरी

कोकणासह पुणे, सातारा, कोल्हापूर, नाशिक, छत्रपती संभाजीनगर, जालना, बीड, हिंगोली, नांदेड, लातूर, धाराशिव आणि विदर्भातील काही जिल्ह्यांमध्ये मेघगर्जनेसह जोरदार पावसाचा अंदाज आहे. काही ठिकाणी ताशी 30 ते 50 किमी वेगाने वारे वाहण्याची शक्यता असल्याने नागरिकांनी सावध राहण्याचे आवाहन करण्यात आले आहे.

: Mumbai Local Mega Block Today : आज रविवारी कोणत्या मार्गावर मेगाब्लॉक; कोणत्या लोकल रद्द? जाणून घ्या संपूर्ण अपडेट

किनारपट्टीवर सतर्कतेचा इशारा

मुंबईत गेल्या काही दिवसांपासून सुरू असलेल्या मुसळधार पावसामुळे अनेक सखल भागांत पाणी साचले आहे. हवामान विभागाने आजही मध्यम ते अतिजोरदार पावसाचा इशारा दिला आहे. भरतीच्या काळात समुद्रकिनारी न जाण्याचा आणि मासेमारी बंद ठेवण्याचा सल्ला प्रशासनाने दिला असून, स्थानिक प्रशासनाने आपत्ती व्यवस्थापन यंत्रणा सतर्क ठेवण्यात आल्या आहेत.

पुढील दोन दिवस पावसाचा जोर कायम

हवामान विभागाच्या अंदाजानुसार, महाराष्ट्रातील बहुतांश भागात 6 जुलैपर्यंत मान्सून सक्रिय राहण्याची शक्यता आहे. कोकण, मध्य महाराष्ट्र आणि घाट परिसरात मुसळधार पावसाचा जोर कायम राहू शकतो. त्यामुळे शेती, वाहतूक आणि दैनंदिन जनजीवनावर परिणाम होण्याची शक्यता नाकारता येत नाही.

: Horoscope Today 5 July 2026 : रविवारचा दिवस तुमच्या राशीसाठी कसा असेल? वाचा आजचे बाराही राशींचे राशीभविष्य

नागरिकांसाठी प्रशासनाच्या सूचना

• मुसळधार पावसाच्या काळात अनावश्यक प्रवास टाळा.
• नदी, नाले आणि धबधब्यांच्या परिसरात जाणे टाळा.
• डोंगराळ भागात दरड कोसळण्याचा धोका लक्षात घेऊन सतर्क राहा.
• स्थानिक प्रशासन आणि हवामान विभागाच्या सूचनांचे पालन करा.
• आपत्कालीन परिस्थितीत जिल्हा प्रशासनाच्या हेल्पलाइनशी संपर्क साधा.