आगामी पश्चिम बंगाल विधानसभा निवडणुकीत एक नवीन सर्वे समोर आला आहे. त्यामध्ये मुख्यमंत्री ममता बॅनर्जी यांचा पक्ष टीएमसी, पुन्हा सत्तेवर येऊन सलग चौथ्यांदा सरकार स्थापन करू शकतो, असे म्हटले आहे, पण यंदा ममता बॅनर्जी यांच्या संख्येत बरीच घट होणार आहे.
‘व्होटव्हाइब’ने हा सर्वे केला आहे.
भाजपच्या (BJP) कामगिरीत सुधारणा होऊ शकते. सर्वेक्षणानुसार, भाजपला (BJP) १०८ ते ११८ जागा मिळू शकतात, जे मागील अंदाजापेक्षा जास्त आहे. दुसरीकडे, काँग्रेस आणि डावे पक्षही यावेळी लक्षणीय प्रभाव पाडण्यात अपयशी ठरत आहेत आणि त्यांना केवळ ० ते ४ जागा मिळण्याचा अंदाज आहे. २३ मार्च रोजीच्या मागील सर्वेक्षणानुसार टीएमसीला १८४ ते १९४ जागा आणि भाजपला (BJP) ९८ ते १०८ जागा मिळण्याचा अंदाज होता. तथापि, नवीन सर्वेक्षणानुसार भाजपची स्थिती मजबूत होत असल्याचे आणि टीएमसीच्या जागा किंचित कमी झाल्याचे दिसून येते.
२०२१ च्या निवडणुकीत टीएमसीने किती जागा जिंकणार?
२०२१ च्या निवडणुकीबाबत बोलायचे झाल्यास, टीएमसीने २१५ जागा जिंकून सरकार स्थापन केले, तर भाजपने (BJP) ७७ जागा जिंकल्या. नवीन सर्वेक्षणानुसार टीएमसी यावेळी सत्तेत राहील, परंतु भाजप (BJP) एक मजबूत विरोधी पक्ष म्हणून उदयास येऊ शकतो. प्रादेशिक स्तरावर, काही भागांमध्ये लढत खूपच चुरशीची होऊ शकते. मिदनापूरमध्ये भाजपला (BJP) आघाडी मिळत असल्याचे दिसते, तर प्रेसिडेंसी आणि मालदा भागात टीएमसी मजबूत असल्याचे दिसते. या भागांमधील कामगिरीचा अंतिम निकालावर महत्त्वपूर्ण परिणाम होऊ शकतो. मुख्यमंत्रीपदाच्या उमेदवाराबाबत बोलायचे झाल्यास, ममता बॅनर्जी सर्वाधिक पसंतीच्या नेत्या आहेत. ४६.४ टक्के मतदारांनी त्यांना पसंती दिली, तर भाजपचे सुवेंदू अधिकारी यांना ३४.९ टक्के पाठिंबा मिळाला. काँग्रेसचे अधीर रंजन चौधरी आणि सीपीएमचे मोहम्मद सलीम खूप मागे राहिले.
( West Bengal - मालदाच्या घटनेवर सुप्रीम कोर्टाची तीव्र नाराजी; एसआयआर कर्मचाऱ्यांना ठेवले होते ओलिस)
मतदारांचे प्रमुख मुद्दे कोणते आहेत?
बेरोजगारी आणि विकास हे मतदारांसाठी प्रमुख मुद्दे आहेत, ३५.१ टक्के लोकांनी त्यांना सर्वात महत्त्वाचे मानले आहे. यानंतर कायदा आणि सुव्यवस्था आणि महिला सुरक्षा, त्यानंतर मतदार यादीतील मुद्दे, महागाई आणि इतर समस्यांचा क्रमांक लागतो. सरकारी योजनांबद्दल, विशेषतः तरुणांसाठीच्या योजनांबद्दल लोकांची मते संमिश्र आहेत, ५३.६ टक्के लोकांच्या मते या योजनांमुळे बेरोजगारीची समस्या सुटणार नाही. धर्म आणि जातीवर आधारित मतदानाचे कलही स्पष्टपणे दिसून येत आहेत. मुस्लिम मतदार मोठ्या प्रमाणावर टीएमसीला पाठिंबा देतात, तर अनुसूचित जाती/जमाती आणि उच्चवर्णीय हिंदू मतदार भाजपला पसंती देतात. राज्य सरकारच्या कामगिरीबाबतही मते विभागलेली आहेत. काही जण ती सकारात्मक मानतात, तर लक्षणीय संख्येने लोक त्यावर नकारात्मक म्हणून टीका करतात. (BJP)