व्यवहारादरम्यान समोरच्या व्यक्तीला पूर्ण मोबाईल नंबर न दिसता केवळ शेवटचे ४ अंक दिसतील. NPCI ने सर्व बँका आणि UPI ॲप्सना हा नियम ४ सप्टेंबर २०२६ पर्यंत लागू करण्याचे निर्देश आहेत.

महिला युजर्सच्या गोपनीयता आणि सुरक्षेसंदर्भातील तक्रारींनंतर हा निर्णय घेण्यात आला आहे. याशिवाय, युजर्सना मोबाईल नंबरऐवजी स्वतःच्या पसंतीचे युजरनेम वापरून UPI ID तयार करण्याची सुविधाही मिळणार आहे. त्यामुळे स्पॅम कॉल्स आणि अनावश्यक संदेशांना आळा बसण्यास मदत होणार आहे.

एनपीसीआयने आपल्या परिपत्रकात म्हटले आहे की बँका आणि यूपीआय ॲप्सनी युजर्सच्या गोपनीयतेचा आदर केला पाहिजे. युजर्सची माहिती, विशेषतः यूपीआय आयडी, मोबाईल नंबर आणि अकाऊंट नंबर, प्रत्येक ग्राहक-दर्शनी इंटरफेसमध्ये लपवले पाहिजे. आदेशात म्हटले आहे की क्यूआर कोडद्वारे केलेल्या व्यवहारांमध्ये युजर्सच्या मोबाईल नंबरचे फक्त शेवटचे चार नंबर दुसऱ्या व्यक्तीला दिसले पाहिजेत. पेमेंट झाल्यानंतर मोबाईल नंबर लपवला गेला पाहिजे.

या NPCI आदेशामुळे, भविष्यातील व्यवहारांमध्ये युजर्सची मोबाईल नंबरसह वैयक्तिक माहिती गमावण्याची शक्यता कमी होईल. त्यांचा मोबाईल नंबर गुप्त राहील, ज्यामुळे त्रयस्थ व्यक्ती त्यांना कॉल किंवा मेसेज करून त्रास देऊ शकणार नाहीत. युजर्सच्या वैयक्तिक डेटाची सुरक्षा आणि गोपनीयता जपण्याच्या दिशेने हे एक मोठे पाऊल आहे.