पोलीस आयुक्त रघुवीर लाल यांनीही घटनास्थळी पोहोचून पाहणी केली.

प्राथमिक माहितीनुसार, विमानाने सकाळी सुमारे ११:२० वाजता कानपूर कॅन्टोनमेंट परिसरातून उड्डाण केले होते. मिळालेल्या माहितीनुसार, हे विमान चार आसनी होते आणि प्रशिक्षण उड्डाणावर होते. उड्डाणानंतर थोड्याच वेळात नाथा पूर्वा परिसरात विमान कोसळले. विमान जमिनीवर आदळताच मोठा आवाज झाला आणि घटनास्थळी लोकांची गर्दी जमली.

या अपघातात मृत्यू पावलेल्या वैमानिकांची ओळख कर्नाटकचे रहिवासी अभिषेक पुजारी आणि गुजरातचे रहिवासी सुमित भाटिया अशी पटली आहे. दोघांचाही जागीच मृत्यू झाल्याची माहिती आहे. पोलिसांनी परिसर सील करून बचाव आणि मदतकार्य सुरू केले.

टेक्नाम कंपनीच्या मालकीचे हे विमान असल्याचे सांगितले जात आहे. अपघाताचे नेमके कारण अद्याप स्पष्ट झालेले नाही. अपघात तांत्रिक बिघाडामुळे, हवामानामुळे की इतर कारणांमुळे झाला, हे निश्चित करण्यासाठी तपास सुरू आहे. संबंधित हवाई वाहतूक प्राधिकरणाला अपघाताची माहिती देण्यात आली आहे. अपघातानंतर पोलीस, प्रशासकीय आणि इतर संबंधित विभागांचे अधिकारी घटनास्थळी उपस्थित होते. अधिकाऱ्यांनी विमानाचा ढिगारा ताब्यात घेतला असून तपास सुरू केला आहे. सखोल तपासानंतरच अपघाताचे नेमके कारण निश्चित होईल.

गुजरातचे रहिवासी असलेले सुमित भाटिया हे ३,००० तासांचा प्रशिक्षण अनुभव असलेले प्रशिक्षक होते. कर्नाटकचे रहिवासी असलेले अभिषेक सध्या प्रशिक्षण घेत होते. हे विमान कानपूरस्थित प्रशिक्षण कंपनी 'गर्ग एव्हिएशन'चे आहे. हे विमान टेक्नाम या इटालियन कंपनीचे असून, ती २०२३ पासून कानपूरमध्ये प्रशिक्षणासाठी कार्यरत आहे.

---------------

हिंदुस्थान समाचार / वृषाली देशपांडे