लेस्टर, २ सप्टेंबर (हिं.स.) । सलामीवीर माया बुशियरच्या शानदार शतकाच्या जोरावर इंग्लंडने आयर्लंडविरुद्ध एकदिवसीय क्रिकेटमधील सर्वात मोठे यशस्वी धावांचे लक्ष्य पूर्ण केले. इंग्लंडने केवळ ३८.१ षटकांत चार गडी गमावून २८३ धावा करत २८२ धावांचे लक्ष्य गाठले आणि सहा गडी राखून सामना जिंकला.
प्रथम फलंदाजी करताना आयर्लंडने आपल्या निर्धारित ५० षटकांत ५ गडी गमावून २८१ धावा केल्या.
प्रत्युत्तरात, बुशियरने आक्रमक खेळी करत ११ चौकारांसह ९५ चेंडूंमध्ये शानदार १०४ धावा केल्या. बुशियरने सोफिया डंकलीसोबत दुसऱ्या विकेटसाठी १४३ धावांची महत्त्वपूर्ण भागीदारी केली, जिने ६१ चेंडूंमध्ये ७३ धावा केल्या. या जोडीने सुरुवातीपासूनच इंग्लंडला मजबूत स्थितीत आणले. डंकलीने ४० चेंडूंमध्ये आपले अर्धशतक पूर्ण केले, तर बाउशरने ५३ चेंडूंमध्ये आपले अर्धशतक पूर्ण केले. आपल्या वेगवान फलंदाजीमुळे इंग्लंडने १० षटकांत एकही गडी न गमावता ७२ धावा केल्या.
आयर्लंडच्या कॅरा मरेने २० व्या षटकात डंकलीला बाद करून ही भागीदारी तोडली. त्यानंतर पुढच्याच षटकात तिने जोडी ग्रेकॉकला बाद केले. पण, बाउशर आणि ॲलिस कॅप्सीने ५० धावांची भागीदारी करून इंग्लंडच्या विजयाचा मार्ग मोकळा केला. बाउशरने ३१ व्या षटकात ९१ चेंडूंमध्ये आपले शतक पूर्ण केले, पण पुढच्याच षटकात मरेने तिला बाद केले. त्यानंतर फ्रेया केम्पने २२ चेंडूंमध्ये ३६ धावांची वेगवान खेळी करून आयर्लंडच्या आशांवर पाणी फेरले. कॅप्सीने नाबाद ४१ धावा केल्या आणि एक चौकार मारून इंग्लंडला विक्रमी लक्ष्य गाठण्यास मदत केली.
यापूर्वी, गॅबी लुईस आणि एमी हंटर यांच्या उत्कृष्ट फलंदाजीमुळे आयर्लंडने एक मोठी धावसंख्या उभारली होती. त्या दोघींनी १५२ चेंडूंमध्ये दुसऱ्या विकेटसाठी १३६ धावांची भागीदारी केली. लुईसने ६९ आणि हंटरने ६२ धावा केल्या.३० व्या षटकानंतर, आयर्लंडने ७.१ षटकांत तीन विकेट गमावल्या आणि त्यांची धावसंख्या २५० पर्यंत पोहोचेल की नाही याबद्दल शंका निर्माण झाली होती. पण ली पॉल आणि रेबेका स्टोक्स यांनी ७१ चेंडूंमध्ये ८४ धावांची भागीदारी करून डाव सावरला. स्टोक्स ५४ धावांवर नाबाद राहिली. आयर्लंडने शेवटच्या १० षटकांत ७७ धावा जोडून इंग्लंडसमोर २८२ धावांचे आव्हानात्मक लक्ष्य ठेवले, पण बुशियरच्या झंझटणाऱ्या खेळीसमोर हे लक्ष्यही खूपच लहान ठरले.
---------------
हिंदुस्थान समाचार / वृषाली देशपांडे