Ltd. ला प्रतिष्ठेचा 'रोटरी ESG-CSR पुरस्कार 2026' प्रदान करण्यात आला आहे. स्थानिक समुदायाच्या आर्थिक सक्षमीकरणासाठी, महिला विकासासाठी आणि शाश्वत उपजीविकेसाठी राबविण्यात आलेल्या विविध उपक्रमांच्या गौरवार्थ हा सन्मान देण्यात आला.

हा पुरस्कार 29 मे 2026 रोजी Pune येथे आयोजित विशेष समारंभात प्रदान करण्यात आला. Rotary International District 3131 यांच्या वतीने मॅरिगोल्ड बँक्वेट्समध्ये झालेल्या कार्यक्रमात कंपनीच्या प्रतिनिधींनी पुरस्कार स्वीकारला.

कंपनीने आपल्या CSR उपक्रमांतर्गत महिला बचत गट, शेतकरी आणि स्थानिक नागरिकांच्या सर्वांगीण विकासासाठी विविध कार्यक्रम राबविले आहेत. महिला बचत गटांच्या सदस्यांसाठी अभ्यास दौरे, उद्योजकता विकास प्रशिक्षण, मार्गदर्शन शिबिरे आणि उत्पन्नवाढीसाठी विविध संधी उपलब्ध करून देण्यात आल्या आहेत.

तसेच कृषी क्षेत्रातही कंपनीने महत्त्वपूर्ण योगदान दिले आहे. आधुनिक शेती तंत्रज्ञानाचे प्रशिक्षण, प्रगत शेती प्रकल्पांचे अभ्यास दौरे, फळझाडांचे वाटप, शेतीपूरक व्यवसायांना प्रोत्साहन आणि शेतकरी उत्पादक कंपनीच्या स्थापनेसाठी सहाय्य अशा विविध उपक्रमांद्वारे शेतकऱ्यांना सक्षम करण्याचा प्रयत्न करण्यात आला आहे.

स्थानिक समुदायाच्या सामाजिक आणि आर्थिक उन्नतीसाठी करण्यात आलेल्या या कार्याची दखल घेत रोटरीतर्फे कंपनीला हा सन्मान प्रदान करण्यात आला. शिक्षण, आरोग्य, महिला सक्षमीकरण, पर्यावरण संवर्धन आणि उपजीविका विकास या क्षेत्रांमध्ये भविष्यातही प्रभावी CSR उपक्रम राबविण्याचा निर्धार कंपनीने व्यक्त केला आहे.

कंपनीच्या प्रतिनिधींनी हा पुरस्कार केवळ संस्थेच्या सामाजिक बांधिलकीची पावती नसून समाजपरिवर्तनासाठी सुरू असलेल्या प्रयत्नांना नवी ऊर्जा आणि प्रेरणा देणारा असल्याचे सांगितले.

-------------------------

हिंदुस्थान समाचार / संदेश साळुंके (रायगड)