पुणे, 30 एप्रिल (हिं.स.)। सावित्रीबाई फुले पुणे विद्यापीठामध्ये अंधश्रद्धा निर्मूलन, जातीभेद निर्मूलन, सेवा धर्म आणि ग्रामविकासाचे उद्गाते संत तुकडोजी महाराज यांची जयंती साजरी करण्यात आली.

विद्यापीठाच्या मुख्य इमारतीतील सरस्वती सभागृहामध्ये वित्त व लेखा अधिकारी डॉ. चारुशीला गायके, उपकुलसचिव श्री प्रदीप कोळी यांनी आध्यात्मिक, सामाजिक व राष्ट्रीय एकात्मतेचे प्रबोधन करणारे आणि विश्वबंधुत्वाचा संदेश देणारे संत तुकडोजी महाराज यांच्या प्रतिमेस पुष्पहार अर्पण करून अभिवादन केले. याप्रसंगी सहायक कुलसचिव डॉ. अजय ठुबे ,शिक्षक व शिक्षकेतर कर्मचारी उपस्थित होते.

---------------

हिंदुस्थान समाचार / भूषण राजगुरु