Saturday, 06 Mar, 4.14 pm Hindusthan Samachar

मुख्य बातमी
सोलापूर : आठ लाख मुलांना जंतनाशक गोळ्यांचे वाटप करणार

सोलापूर 6 मार्च (हिं.स) : जिल्हा परिषद आरोग्य विभागाकडून राष्ट्रीय जंतनाशक दिनानिमित्त जिल्ह्यात १ ते १९ वयोगटातील मुलांना जंतनाशक गोळ्या वाटप केल्या जात आहेत. या गोळ्यांचे वाटप आशा, अंगणवाडीसेविका यांच्याकडून कोविडची योग्य ती खबरदारी घेऊन घरी जाऊन वाटप केले जात आहे. आठवड्याभरात ८ लाख ६० हजार मुला-मुलींना गोळ्यांचे वाटप केले जाणार आहे, अशी माहिती डॉ. अनिरुध्द पिंपळे यांनी दिली.

१ ते ५ वयोगटातील मुलांना ही गोळी अंगणवाडीतून दिली जात आहे. तर ६ ते १९ वयोगटातील मुलांना शाळेतून दिली जात आहे. शाळा बंद असल्यामुळे आराेग्य कर्मचारी घरोघरी जाऊन गोळ्या देत आहेत. ही गोळी पूर्णत: सुरक्षित आहे. ही जंतनाशक गोळी गोळी चावून खायची आहे. ती खाल्याने क्षय रोग, अन्न पचनास व शोषून घेण्यास सुधारणा होते. परिसरातील जंतूंचा प्रभाव कमी होण्यास मदत होते. गोळ्या वाटपासाठी निरीक्षकांची नियुक्ती केली आहे. एक आशा व अंगणवाडी सेविका नियमित ३० घरांमध्ये जाऊन गोळ्या देत असल्याची माहिती जिल्हा माता व बाल संगोपन अधिकारी डॉ. अनिरुध्द पिंपळे यांनी दिली.

हिंदुस्थान समाचार

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Hindusthan Samachar Marathi
Top