मुंबई. Dahisar To Kashigaon Mumbai Metro line 9: मुंबईकरांसाठी आजचा दिवस महत्त्वाचा ठरणार आहे. शहरातील वाढत्या वाहतूक कोंडीला दिलासा देणाऱ्या दोन महत्त्वाच्या मेट्रो मार्गिकांचे आज लोकार्पण होत आहे.

मेट्रो 9 ही मुंबई मेट्रो प्रकल्पातील महत्त्वाची लाईन असून ती दहिसर ते काशीगाव दरम्यान धावणार आहे. ही लाईन मेट्रो 7 ला जोडली असल्याने प्रवाशांना आता थेट अंधेरीपर्यंत जाता येणार आहे.

मेट्रो 9 आणि मेट्रो 2 बी चे लोकार्पण

मुंबई मेट्रो अंतर्गत येणाऱ्या मेट्रो-9 आणि मेट्रो-2 बी या मार्गिकांच्या टप्पा १चे उद्घाटन आज पार पडणार आहे.या कार्यक्रमाला मुख्यमंत्री देवेन्द्र फडणवीस, उपमुख्यमंत्री एकनाथ शिंदे आणि उपमुख्यमंत्री सुनेत्रा पवार उपस्थित राहणार आहेत.

कोणते टप्पे सुरू होणार?

• मेट्रो 9 (दहिसर - मिरा-भाईंदर)

• टप्पा 1: दहिसर ते काशीगाव

• मिरा-भाईंदर परिसरातील नागरिकांची अनेक वर्षांची प्रतीक्षा अखेर संपणार

• मेट्रो 2बी (अंधेरी पश्चिम - मंडाले, मानखुर्द)

• टप्पा 1: डायमंड गार्डन ते मंडाले

• पूर्व उपनगरांतील प्रवाशांना मोठा फायदा होणार आहे.

सेवा कधीपासून?

लोकार्पणानंतर उद्यापासून या दोन्ही मार्गिकांवर नियमित प्रवासी सेवा सुरू होणार आहे. त्यामुळे पश्चिम उपनगर, मिरा-भाईंदर आणि पूर्वेकडील मानखुर्द परिसरातील प्रवास अधिक जलद आणि सोयीस्कर होईल.

इतर महत्त्वाचे प्रकल्पही सुरू!

आजच्या कार्यक्रमात आणखी काही मोठ्या पायाभूत प्रकल्पांना गती मिळणार आहे: