पोलिसांच्या माहितीनुसार, दहशतवादी हुफैझाच्या शोधात सेल आणि मुंबई एटीएस गेल्या अनेक दिवसांपासून मुंबईत छापे टाकत होते. एक दिवसापूर्वी, दैनिक जागरणने वृत्त दिले होते की, मुन्नाच्या जवळचा सहकारी असलेल्या हुफैझाच्या शोधात सेल मुंबईत छापे टाकत आहे.

हुफैझा हा मुंबईच्या गुन्हेगारी जगतात दाऊद इब्राहिमचा उजवा हात आणि आयएसआय एजंट मुन्ना झिंगाडाचा जवळचा सहकारी आहे. मुन्ना त्याला कराचीहून सूचना देत असे आणि तो त्याच्या सूचनेनुसार काम करत होता. हुफैझाला मंगळवारी रात्री मुंबईत अटक करण्यात आली.

आतापर्यंत स्पेशल सेलने चार राज्यांमध्ये या मॉड्यूलमधील नऊ दहशतवाद्यांना अटक केली आहे. गेल्या महिनाभरापासून, आयबीकडून मिळालेल्या माहितीच्या आधारे, स्पेशल सेल या मॉड्यूलमधील दहशतवाद्यांच्या शोधात दिल्ली, मुंबई, राजस्थान आणि पंजाबमध्ये छापे टाकत आहे.

हुफैझाच्या अटकेनंतर 'डी' कंपनीमध्ये आणखी किती दहशतवाद्यांची भरती झाली आहे, याचा तपास सुरू आहे. याशिवाय, मुन्नाने त्याला नेमून दिलेल्या टारगेटचाही तपास केला जात आहे.

हे ही वाचा -51 जखमा, सिगारेटचे चटके... सावत्र वडिलांनी दीड वर्षांच्या चिमुकल्याची तडपवून केली हत्या