जेएनएन, मुंबई. महाराष्ट्र राज्य माध्यमिक व उच्च माध्यमिक शिक्षण मंडळ, पुणे इ.12 वी परीक्षा फेब्रुवारी-मार्च 2026 च्या निकालाबाबत एक निवेदन दिले आहे. त्यानुसार यंदा बारावीचा निकाल (Maharashtra Board 12th Result 2026) अधिकृत संकेतस्थळांवर शनिवार दिनांक 2 मे रोजी दुपारी 1 वाजता ऑनलाईन जाहीर करण्यात येणार आहे.

बारावीचा निकाल कधी लागणार

निवेदनानुसार, 'महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमार्फत फेब्रुवारी-मार्च 2026 मध्ये घेण्यात आलेल्या उच्च माध्यमिक प्रमाणपत्र (इ.12 वी) परीक्षेचा निकाल खालील अधिकृत संकेतस्थळांवर शनिवार दिनांक 2 मे रोजी दुपारी 1 वाजता ऑनलाईन जाहीर करण्यात येत आहे.' असे त्यांनी म्हटलं आहे.

2026 च्या बारावीच्या निकालाची वेळ (Class 12 Result on 2 May)

12 वी (When HSC result Declared) : 2 मे 2026 चा रोजी दुपारी 1 वाजता.

बारावीचा निकाल कसा पाहायचा (How to Check the 12th Results)

• महाराष्ट्र बोर्ड इयत्ता बारावीचा निकाल तपासण्यासाठी, सर्वप्रथम तुम्हाला https://mahahsscboard.in या अधिकृत वेबसाइटला भेट द्यावी लागेल.
• तुम्हाला वेबसाइटच्या होम पेजवरील रिझल्ट लिंकवर क्लिक करावे लागेल.
• आता तुम्हाला रोल नंबर आणि आईचे पहिले नाव टाकून 'निकाल पहा' बटणावर क्लिक करावे लागेल.
• यानंतर स्क्रीनवर निकाल दिसेल, जिथून तुम्ही तो तपासू शकाल तसेच गुणपत्रिकेची डिजिटल प्रत डाउनलोड करू शकाल.

दहावी - बारावीची परीक्षा कधी झाल्या?

2025-26 च्या शैक्षणिक वर्षातील बारावीची परीक्षा 10 फेब्रुवारी ते 11 मार्च 2026 या कालावधीत झाली, तर दहावीची परीक्षा 20 फेब्रुवारी ते 18 मार्च 2026 पर्यंत घेण्यात आली.