मात्र, गुजरातला दुसऱ्यांदा ट्रॉफी उंचावण्यात अपयश आले. 2022 मध्ये झालेल्या आपल्या पहिल्याच हंगामात गुजरात विजेता ठरला होता. हार्दिक पांड्याच्या नेतृत्वाखालील गुजरात टायटन्सने अंतिम सामन्यात राजस्थान रॉयल्सला 7 गडी राखून पराभूत केले होते. दरम्यान, आरसीबीने गेल्या हंगामात 17 वर्षांचा दुष्काळ संपवत ट्रॉफी जिंकली होती.

बंगळूरु सलग दुसऱ्यांदा चॅम्पियन बनले.
बंगळूरुने आयपीएल 2026 चे विजेतेपद पटकावले. यासोबतच त्यांनी सलग दुसऱ्यांदा ही ट्रॉफी जिंकली. आयपीएलच्या इतिहासात आपले विजेतेपद राखणारा आरसीबी हा आता तिसरा संघ ठरला आहे. यापूर्वी 2010-11 मध्ये चेन्नई सुपर किंग्सने आणि 2019-20 मध्ये मुंबई इंडियन्सने ही कामगिरी केली होती. आता रजत पाटीदारने एमएस धोनी आणि रोहित शर्मा यांच्या यादीत स्थान मिळवले आहे.

बंगळूरुने गुजरातला हरवले
रजत पाटीदारच्या नेतृत्वाखालील संघाने अंतिम सामन्यात शानदार कामगिरी केली. त्यांच्या गोलंदाजांनी उत्कृष्ट गोलंदाजी करत गुजरातला 155 धावांवर रोखले. अंतिम सामन्यात जीटीचे फलंदाज अपयशी ठरले, केवळ वॉशिंग्टन सुंदरने अर्धशतक झळकावले. त्यानंतर बंगळूरने 18 षटकांत 5 गडी गमावून 156 धावांचे लक्ष्य पूर्ण केले आणि आपली सलग दुसरी ट्रॉफी जिंकली.

बंगळूरुला 20 कोटी रुपये मिळाले
अंतिम फेरीत पोहोचलेल्या बंगळूरू संघाला बक्षीस म्हणून 20 कोटी रुपये मिळाले. उपविजेत्या संघालाही मोठी रक्कम मिळाली. पराभूत होऊनही गुजरात संघाला 13 कोटी रुपये मिळाले. क्वालिफायर 2 मध्ये पराभूत झालेल्या राजस्थान रॉयल्सला 7 कोटी रुपये मिळाले. एलिमिनेटरमध्ये पराभूत झालेल्या सनरायझर्स हैदराबादला 6.5 कोटी रुपये मिळाले. चला, आयपीएल 2026 मधील सर्व पुरस्कारांवर एक नजर टाकूया.

आयपीएल 2026 पुरस्कारांची यादी-

• विजेता: रॉयल चॅलेंजर्स बंगलोर
• उपविजेता: गुजरात टायटन्स
• इमर्जिंग प्‍लेयर ऑफ द सीजन: वैभव सूर्यवंशी
• मोस्ट व्हॅल्युएबल प्लेयर : वैभव सूर्यवंशी
• ऑरेंज कॅप (10 लाख रुपये) : वैभव सूर्यवंशी
• पर्पल कॅप (10 लाख रुपये): कागिसो रबाडा
• मोस्‍ट सिक्‍स अवॉर्ड: वैभव सूर्यवंशी
• मोस्‍ट फोर अवॉर्ड: साई सुदर्शन
• सर्वोत्कृष्ट स्ट्राइक रेट पुरस्कार: वैभव सूर्यवंशी
• सर्वाधिक डॉट बॉल्स: मोहम्मद सिराज
• या हंगामातील सर्वोत्तम निवड: मनीष पांडे
• फेअर प्ले पुरस्कार: पंजाब किंग्स
• अंतिम सामन्यातील सर्वोत्तम खेळाडू: विराट कोहली
  
  हेही वाचा: IPL 2026 Final, RCB vs GT: बंगळुरूचा गुजरातवर 'विराट' विजय.. RCB सलग दुसऱ्यांदा IPL चॅम्प‍ियन, कोहली-रस‍िक विजयाचे हिरो