नवी दिल्ली. IPL 2026 Final GT vs RCB match today: आयपीएल 2026 चा अंतिम सामना आज आरसीबी आणि जीटी यांच्यात खेळला जाईल. हा सामना अहमदाबाद येथील नरेंद्र मोदी स्टेडियमवर सायंकाळी 7:30 वाजता सुरू होईल.
दोन्ही संघ जबरदस्त फॉर्मात आहेत. आरसीबीने क्वालिफायर 1 मध्ये गुजरात टायटन्सला हरवून अंतिम फेरीत प्रवेश केला आहे, तर गुजरात टायटन्सने क्वालिफायर 2 मध्ये राजस्थान रॉयल्सला हरवून अंतिम फेरीत आपले स्थान निश्चित केले आहे.
आता संपूर्ण जग हे पाहण्यासाठी वाट पाहत आहे की राजा विरुद्ध राजकुमार हा अंतिम सामना कोण जिंकणार. चला तर मग, आयपीएल अंतिम सामन्यांच्या इतिहासातील तीन सर्वात रोमांचक सामन्यांबद्दल जाणून घेऊया.
आयपीएलच्या इतिहासातील सर्वात रोमांचक अंतिम सामना
MI विरुद्ध CSK आयपीएल फायनल 2019
MI विरुद्ध CSK आयपीएल 2019 अंतिम सामना
आयपीएलच्या अंतिम सामन्याच्या इतिहासातील सर्वात रोमांचक सामना 2019 च्या हंगामात झाला, ज्यात चेन्नई सुपर किंग्ज (CSK) आणि मुंबई (MI) आमनेसामने होते. मुंबई इंडियन्सने (MI) शेवटच्या षटकात CSK ला केवळ एका धावेने पराभूत करून आपले चौथे आयपीएल विजेतेपद पटकावले. मात्र, मुंबई इंडियन्ससाठी शेवटचे षटक टाकणारा लसिथ मलिंगा हा त्यांच्या विजयाचा नायक ठरला.
सीएसकेला विजयासाठी 1 चेंडूत 2 धावांची गरज होती आणि मलिंगाने एक अप्रतिम यॉर्कर टाकून शार्दुल ठाकूरला पायचीत (LBW) केले, ज्यामुळे रोहितच्या एमआयला विजय मिळाला. तत्पूर्वी, प्रथम फलंदाजी करताना मुंबई इंडियन्सने 149/8 अशी माफक धावसंख्या उभारली होती.
सीएसकेला विजयासाठी 1 चेंडूत 2 धावांची गरज होती आणि मलिंगाने एक अप्रतिम यॉर्कर टाकून शार्दुल ठाकूरला पायचीत (LBW) केले, ज्यामुळे रोहितच्या एमआयला विजय मिळाला. तत्पूर्वी, प्रथम फलंदाजी करताना मुंबई इंडियन्सने 149/8 अशी माफक धावसंख्या उभारली होती
CSK vs GT IPL Final 2023
आयपीएल इतिहासातील दुसरी सर्वात रोमांचक फायनल (IPL Final) 2023 मध्ये गुजरात विरुद्ध सीएसके दरम्यान झाली होती. पावसामुळे दोन दिवस हा सामना खेळला गेला. रिजर्व डे दिवशीही पावसाने सामना बाधित झाला व सीएसकेला डकवर्थ लुईस नियमानुसार लक्ष्य दिले गेले. चेन्नईला 15 षटकात 171 धावांचे आव्हान होते जे सीएसकेने 5 विकेट्स गमावून मिळवले. मात्र शेवटचे षटक श्वास रोखून धरायला लावणारे होते.
सीएसकेला शेवटच्या षटकात 13 धावांची गरज होती. जीटीने मोहित शर्माच्या हातात चेंडू सोपवला. सीएसकेकडून शिवम दुबे स्ट्राइकवर होता. मोहितने पहिलाच चेंडू डॉट टाकला. दुसऱ्या चेंडूवर शिवमने एक धाव घेतली आणि स्ट्राइक जडेजाला दिली. तिसऱ्या चेंडूवर जडेजाने तर चौथ्या चेंडूवर शिवमने एक-एक धाव घेतल्याने शेवटच्या दोन बॉलमध्ये सीएसकेला विजयासाठी 10 धावांची गरज होती. जडेजाने पाचव्या चेंडूवर षटकार तर अखेरच्या चेंडूवर चौकाार ठोकून संघाला विजेतेपद मिळवून दिले.
सीएसकेच्या विजयानंतर धोनीने आनंदाने जडेजाला उचलून घेतले होते. तत्पूर्वी गुजरात टायटन्सने पहिल्यांदा बॅटिंग करताना 20 षटकात 214 धावा केल्या होत्या.
RR vs CSK IPL Final 2008
आयपीएल 2008 राजस्थान रॉयल्स विरुद्ध चेन्नई सुपर किंग्ज
2008 चा आयपीएल अंतिम सामना, जो या स्पर्धेचा पहिला हंगाम होता, तो देखील एक रोमांचक सामना ठरला, ज्यात राजस्थान रॉयल्सने चेन्नई सुपर किंग्जविरुद्ध शेवटच्या चेंडूवर विजय मिळवला. प्रथम फलंदाजी करताना, चेन्नई सुपर किंग्जने 5 गडी गमावून 163 धावा केल्या. सुरेश रैना (43) चेन्नई सुपर किंग्जसाठी सर्वाधिक धावा करणारा फलंदाज होता. प्रत्युत्तरात, राजस्थान रॉयल्सची सुरुवात खराब झाली आणि त्यांनी 42 धावांत तीन गडी गमावले. त्यानंतर शेन वॉटसन आणि युसूफ पठाण यांनी डाव सावरला.
शेवटच्या षटकात राजस्थानला 6 चेंडूंमध्ये 8 धावांची गरज होती. चेन्नईच्या गोलंदाजांकडे धावसंख्या वाचवण्याची चांगली संधी होती, पण सोहेल तन्वीर आणि शेन वॉर्नच्या हुशार खेळाने त्यांना धावा पूर्ण करता आल्या. तन्वीरने शेवटच्या चेंडूवर वेगाने धाव घेत एक धाव घेतली आणि आपल्या संघाला सामना व विजेतेपद दोन्ही मिळवून दिले.
हे ही वाचा -GT vs RCB, IPL 2026 Final Pitch: आरसीबी की गुजरात? अहमदाबादच्या Pitch वर कोण जिंकेल सामना?