नवी दिल्ली: Petrol Diesel LPG Price: पश्चिम आशियातील तणाव असूनही देशांतर्गत एलपीजी आणि इंधनाचा पुरवठा स्थिर आणि अखंडित राहील, असे आश्वासन सरकारने सोमवारी दिले.

एलपीजीचा तुटवडा नाही.

सध्या पेट्रोल, डिझेल किंवा एलपीजी सिलिंडरच्या किरकोळ किमती वाढवण्याची कोणतीही योजना नाही. सरकारने असेही म्हटले आहे की, घरगुती एलपीजी पुरवठा सामान्य असून, रविवारी ऑनलाइन बुकिंग 99 टक्क्यांपर्यंत वाढले आहे.

पेट्रोलियम मंत्रालयाच्या अधिकाऱ्यांनी एका आंतर-मंत्रालयीन बैठकीत सांगितले की, किरकोळ विक्री केंद्रांवर एलपीजीचा तुटवडा नाही.

एलपीजीसाठी ऑनलाइन बुकिंग विक्रमी पातळीवर असताना, इंधनाच्या बाबतीत पेट्रोल आणि डिझेलचे किरकोळ दर अपरिवर्तित राहतील, असे अधिकाऱ्यांनी स्पष्ट केले आहे.

कच्च्या तेलाचा साठा पुरेशा प्रमाणात राखण्यात आला आहे, तर तेल शुद्धीकरण कारखाने पूर्ण क्षमतेने कार्यरत आहेत. आंतरराष्ट्रीय स्तरावर कच्चे तेल, एलपीजी आणि नैसर्गिक वायूच्या किमतींमध्ये मोठी वाढ झाली आहे, हेदेखील मान्य आहे.

एलएनजी साठवण टाक्यांची संख्या वाढवण्याची तयारी

पीटीआयच्या वृत्तानुसार, पश्चिम आशियातील तणाव आणि वाढत्या धोक्यांच्या पार्श्वभूमीवर आपली ऊर्जा सुरक्षा वाढवण्यासाठी भारत द्रवीकृत नैसर्गिक वायू (एलएनजी) साठवण्यासाठी नवीन टाक्या बांधण्याची तयारी करत आहे.