नवी दिल्ली. TN Election Result: 2026 च्या तामिळनाडू विधानसभा निवडणुकीचे निकाल जाहीर झाले असून, यामध्ये दक्षिण भारतीय सुपरस्टार विजय थलपती यांच्या 'तामिळगा वेट्री कळघम' (टीव्हीके) या राजकीय पक्षाने प्रचंड यश मिळवले आहे.

पहिल्यांदाच निवडणूक लढवणाऱ्या विजयने आपल्या पहिल्याच निवडणुकीत राजकीय क्षेत्रात शानदार पदार्पण करत देशाचे लक्ष वेधून घेतले आहे.

दाक्षिणात्य अभिनेत्री त्रिशा कृष्णन विजय थलपतीच्या 'टीव्हीके' या पार्टीच्या यशाच्या प्रसंगी त्याचे अभिनंदन करण्यासाठी त्याच्या घरी पोहोचली. विशेष म्हणजे, विजयचा विजय आणि त्रिशाचा वाढदिवस एकाच दिवशी आला आहे.

त्रिशा कृष्णनचा वाढदिवस विजयसाठी भाग्यवान ठरला-

चित्रपटसृष्टीत त्रिशा कृष्णन आणि विजय थलपती यांची नावे विविध कारणांमुळे चर्चेत राहिली आहेत. त्यांचे व्यावसायिक आणि वैयक्तिक आयुष्य दोन्हीही प्रकाशझोतात राहिले आहे. विजय आणि त्रिशा एकमेकांना डेट करत असल्याच्या बातम्याही आल्या आहेत, मात्र, या प्रकरणी दोघांपैकी कोणीही भाष्य केलेले नाही.

पण आता विजय थलपती यांच्या टीव्हीके या राजकीय पक्षाने तामिळनाडू विधानसभा निवडणुकीत विजयाचे रणशिंग फुंकल्यामुळे, त्रिशा कृष्णन यांना टीव्हीके प्रमुखांचे अभिनंदन करण्यापासून स्वतःला रोखता आले नाही.