या तपासणीदरम्यान अन्नाची गुणवत्ता, स्वच्छता आणि अन्न सुरक्षा मानकांची कसून चौकशी करण्यात आली तसेच संपूर्ण कारवाईचे चित्रीकरणही करण्यात आले. एफडीएच्या या पाहणीनंतर बॉम्बे बार असोसिएशनने खबरदारीचा उपाय म्हणून आपल्या परिसरातील कॅन्टीन आणि कॉफी सेवा पुढील सूचनेपर्यंत तात्पुरती बंद करण्याचा निर्णय घेतला आहे. एफडीएकडून कोणताही प्रतिकूल आदेश किंवा नोटीस मिळालेली नसतानाही असोसिएशनने स्वतःहून हा निर्णय घेतला असल्याचे स्पष्ट केले आहे. एफडीएला या पाहणीचा सविस्तर अहवाल ३१ जुलै २०२६ पर्यंत न्यायालयात सादर करायचा आहे.