विशेष म्हणजे, नागरिकांचा किंवा पर्यावरणप्रेमींचा विरोध होऊ नये यासाठी नियोजितपणे रविवारच्या सुट्टीचा दिवस निवडून ही कारवाई करण्यात आल्याचा आरोप 'वात फाउंडेशन'ने केला आहे. सोशल मीडियावर या घटनेचा व्हिडिओ व्हायरल झाला असून, शतकभर जपलेला हा निसर्गाचा वारसा अवघ्या काही क्षणांत नष्ट झाल्यामुळे नाशिककरांमध्ये तीव्र संताप व्यक्त होत आहे. विकासाच्या नावाखाली शहराची फुफ्फुसे मानले जाणारे हे पूर्ण वाढलेले वृक्ष तोडणे ही कधीही भरून न येणारी हानी असल्याचे तज्ज्ञांचे म्हणणे आहे. या घटनेचा निषेध करत नागरिकांनी प्रशासनाला जबाबदार धरले असून, या प्रकरणाची सखोल चौकशी करण्याची मागणी आता जोर धरत आहे.