ते ७१ वर्षांचे होते आणि गेल्या दोन दिवसांपासून त्यांच्यावर अतिदक्षता विभागात (ICU) उपचार सुरू होते.

कुटुंबियांनी दिलेल्या माहितीनुसार, केतनच्या हत्येनंतर देवीचंद अग्रवाल यांना प्रचंड मानसिक धक्का बसला होता. पोत्याला गमावल्याचे दुःख आणि त्यानंतर कुटुंबाची झालेली दुरवस्था यामुळे ते पूर्णपणे खचून गेले होते. केतनचे लग्न सिया गोयलसोबत जमवण्याच्या निर्णयावरही ते सतत पश्चाताप व्यक्त करत होते. २७ जून रोजी पुण्यात केतनला न्याय मिळवून देण्यासाठी काढण्यात आलेल्या कॅंडल मार्चमध्येही त्यांनी सहभाग घेतला होता. त्यावेळी प्रसारमाध्यमांशी बोलताना, ज्यांना आपण अनेक वर्षांपासून ओळखत होतो अशा आपल्याच लोकांनी आपल्याला धोका दिला, अशी भावना त्यांनी डोळ्यात अश्रू आणून व्यक्त केली होती.

१८ जून रोजी लोहगड किल्ल्याच्या दरीत कोसळून २६ वर्षीय केतनचा मृत्यू झाला होता. सुरुवातीला हा अपघात वाटत असला, तरी नंतर पोलिसांनी तपासाअंती केतनची मंगेतर सिया गोयल आणि तिचा मित्र चेतन या दोघांना हत्येच्या आरोपाखाली अटक केली. या दोघांमध्ये प्रेमसंबंध असून त्यांनीच केतनला उंचावरून ढकलून दिल्याचा आरोप आहे. फेब्रुवारी महिन्यात केतन आणि सियाचा साखरपुडा झाला होता आणि त्यांच्या लग्नाची जोरदार तयारी सुरू असतानाच ही अत्यंत दुर्दैवी घटना घडली.