Monday, 25 Jan, 10.13 am कृषीरंग

तंत्रज्ञान
सर्वात श्रीमंत असणार्‍या एलन मस्कने केली घोषणा; 'ते' करून दाखवणार्‍याला देणार 730 कोटी

दिल्ली :

कार्बन डाय ऑक्साईडच्या मुद्दयावरुन जगभरात धोरणे तयार केली जात आहेत आणि कार्बन डाय ऑक्साईड कमी करण्यासाठी कंपन्यांना प्रोत्साहन दिले जात आहे. सध्याचे जगातील सर्वात श्रीमंत व्यक्ती म्हणून नाव लौकिक असलेले, टेस्ला आणि स्पेस एक्सचे मालक एलोन मस्क यांनी सर्वोत्तम कार्बन कॅप्चर तंत्रज्ञानासाठी 10 करोड़ डॉलर (730 कोटी रुपये) बक्षीस जाहीर केले आहे. कार्बन कॅप्चर तंत्रज्ञान म्हणजे वातावरणात उपस्थित कार्बन शोषक तंत्रज्ञान होय.

ग्लोबल वार्मिंगचा मुद्दा जगभरात फार महत्वाचा झाला आहे आणि हवामानातील बदल पुन्हा रुळावर आणण्यासाठी प्रयत्न सुरू आहेत. यासाठी कार्बन उत्सर्जन कमी करण्यास प्रोत्साहित केले जात आहेत. मात्र वातावरणात उपस्थित कार्बन शोषण्यासाठी विशेष प्रयत्न केले जात नाहीयेत.

ग्लोबल वार्मिंगच्या समस्येवर उपाय म्हणून कार्बन कॅप्चर तंत्रज्ञान हा एक उत्तम उपाय आहे. या अंतर्गत जीवाश्म इंधन जळाल्यापासून सोडण्यात येणारे कार्बन डाय ऑक्साईड शोषले जाऊ शकते. या तंत्राद्वारे कार्बन डाय ऑक्साईड वातावरणातून शोषले जाते आणि प्रक्रियेनुसार ते द्रव स्वरूपात रूपांतरित होते. कार्बन डाई ऑक्साईड नंतर पाइपलाइनद्वारे भूमिगत साठवणीत साठवले जाते.

अमेरिकेचे नवे अध्यक्ष जो बिडेन हवामान बदलाबाबत गंभीर आहेत. अध्यक्ष म्हणून पदभार स्वीकारताच त्यांनी घेतलेल्या पहिल्या निर्णयांमध्ये पॅरिस हवामान कराराचा विषय आहे. या करारात अमेरिका पुन्हा सामील होत आहे. या कराराचा उद्देश असा आहे की ग्रीनहाऊस गॅसची पातळीला या स्तरावर आणायचे आहे की, जिथे झाडे, समुद्र आणि मातीद्वारे नैसर्गिकरित्या शोषली जाऊ शकते.

संपादन : विनोदकुमार सूर्यवंशी

कृषीरंग | ताज्या बातम्यांसाठी फॉलो करा www.krushirang.com

| वेबसाईट | फेसबुक पेज | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |

मो. 9503219649 |

ईमेल : krushirang@gmail.com

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Krushirang
Top