अंतरवाली सराटी येथे सुरू असलेल्या या उपोषणाकडे राज्याचे लक्ष लागले असून, जरांगे पाटील यांनी आपल्या मागण्यांवर ठाम भूमिका घेतली आहे. दरम्यान, सरकारकडून आंदोलनावर तोडगा काढण्यासाठी हालचाली सुरू झाल्या असून राज्य सरकारचे शिष्टमंडळ आज अंतरवाली सराटीत जाऊन मनोज जरांगे पाटील यांची भेट घेणार असल्याची शक्यता आहे.

मनोज जरांगे यांच्या भेटीचा निर्णय कधी? उदय सामंतांचा मोठा खुलासा; सरकारची 'धोरणात्मक' चर्चा काय?

या शिष्टमंडळात मंत्री उदय सामंत, शंभुराज देसाई, राधाकृष्ण विखे पाटील आणि प्रसाद लाड यांचा समावेश असल्याचे सांगितले जात आहे. या भेटीदरम्यान मराठा आरक्षणासह जरांगे पाटील यांच्या प्रमुख मागण्यांवर सरकारकडून चर्चा केली जाण्याची शक्यता आहे. त्यामुळे सरकारच्या शिष्टमंडळाची भूमिका आणि जरांगे पाटील यांची प्रतिक्रिया याकडे सर्वांचे लक्ष लागले आहे.

दरम्यान, मनोज जरांगे पाटील यांनी मराठा आंदोलकांना हळूहळू मुंबईच्या दिशेने जाण्याचा इशारा दिला आहे. त्यामुळे सरकार आणि आंदोलकांमधील संघर्ष आणखी तीव्र होण्याची शक्यता निर्माण झाली आहे. आंदोलनाचा पुढील टप्पा काय असेल, याबाबतही उत्सुकता वाढली आहे.

मोदींच्या फोटोवरून ठिणगी; भाजपची आक्रमक भूमिका, अमित ठाकरेंसह 25 जणांवर गुन्हा दाखल

सरकारचे शिष्टमंडळ जरांगे पाटील यांच्याशी चर्चा करून काही ठोस तोडगा काढण्यात यशस्वी ठरते का, की जरांगे आपल्या मागण्यांवर ठाम राहून मुंबईकडे आंदोलनाची दिशा वळवतात, हे पाहणे महत्त्वाचे ठरणार आहे. सरकारच्या शिष्टमंडळाची भेट आणि त्यातून होणारी चर्चा आजच्या आंदोलनातील निर्णायक घडामोड ठरण्याची शक्यता आहे.