बालमटाकळी ते कांबी या शेत रस्त्यावर झालेले अतिक्रमण हटवण्यात यावे, ही त्यांची प्रमुख मागणी आहे. या रस्त्यावरील सर्व शेतकऱ्यांनी उपोषणकर्त्यांना जाहीर पाठिंबा दिल्यामुळे आता हे आंदोलन तीव्र स्वरूपाचे होण्याची चिन्हे वर्तवली जात आहेत.”
“स्थानिक शेतकऱ्यांच्या म्हणण्यानुसार, बालमटाकळी ते कांबी रस्त्यावरील अतिक्रमणामुळे रस्ता अत्यंत अरुंद झाला आहे. इतकेच नव्हे, तर शेवगाव-गेवराई राज्य मार्गावरील कांबीकडे जाणारा ओढ्याचा रस्ता देखील गेल्या अनेक वर्षांपासून बंद करण्यात आला आहे. यामुळे शेतकऱ्यांना शेतात जाण्यासाठी आणि दळणवळणासाठी मोठी कसरत करावी लागत आहे. हा रस्ता तात्काळ खुला करून देण्यासाठी आता परिसरातील सर्व शेतकरी एकवटले आहेत.”
“जोपर्यंत रस्त्यावरील बेकायदेशीर अतिक्रमण पूर्णपणे हटवले जात नाही, तोपर्यंत उपोषण सोडणार नाही, असा ठाम निर्धार ग्रामपंचायत सदस्य श्यामराव राजपुरे यांनी व्यक्त केला आहे. विशेष म्हणजे या आंदोलनाला बालमटाकळीचे सरपंच डॉक्टर राम बामदळे, सुदामराव शिंदे, सामाजिक कार्यकर्ते मधुकर पाटेकर, संदीप देशमुख, आणि ग्रामपंचायत सदस्य विक्रम बारवकर यांच्यासह अनेक शेतकऱ्यांनी घटनास्थळी भेट देऊन आपला जाहीर पाठिंबा दर्शवला आहे.””आता प्रश्न हा निर्माण होतो की, शेतकऱ्यांच्या या न्याय्य मागणीकडे प्रशासन कधी लक्ष देणार? की हे उपोषण आणखी चिघळण्याची वाट पाहणार?

The post शेतकऱ्यांचा एल्गार! शेत रस्ता आणि ओढ्याचे अतिक्रमण हटवण्यासाठी ग्रामपंचायत सदस्याचे आमरण उपोषण! appeared first on Lokmanthan | लोकमंथन.