या खेळीच्या जोरावर तो आता टी-20 क्रिकेटमध्ये सर्वाधिक धावा करणारा फलंदाज बनण्यापासून अवघ्या 24 धावा दूर आहे. मँचेस्टर ओरिजिनल्सकडून खेळताना जोस बटलरची 'द हंड्रेड'च्या या हंगामात उत्कृष्ट कामगिरी पाहायला मिळाली आहे; त्याच्या या खेळीमुळे संघ 137 धावांपर्यंत मजल मारू शकला. बटलरने या सामन्यात 37 चेंडूंत 55 धावा केल्या, ज्यामध्ये 2 चौकार आणि 4 षटकारांचा समावेश होता.

​जोस बटलरची गणना टी-20 क्रिकेटमधील दिग्गज फलंदाजांमध्ये केली जाते आणि त्याची या प्रकारातील आकडेवारी अत्यंत प्रभावी आहे. सर्वाधिक धावा करणाऱ्या फलंदाजांच्या यादीत बटलर सध्या दुसऱ्या क्रमांकावर आहे; त्याने काही काळापूर्वीच ख्रिस गेलला मागे टाकले होते. आता तो अव्वल स्थानी असलेल्या वेस्ट इंडिजच्या कायरोन पोलार्डला मागे टाकण्यापासून अवघ्या 24 धावा दूर आहे. जोस बटलरने टी-20 क्रिकेटमध्ये आतापर्यंत 520 सामने खेळताना ४९० डावांमध्ये 35.44 च्या सरासरीने 14,780 धावा केल्या आहेत. तर पहिल्या क्रमांकावर असलेल्या कायरोन पोलार्डच्या नावावर 14,803 धावा नोंदवलेल्या आहेत.

​'द हंड्रेड'च्या या हंगामात आतापर्यंत 14 सामने खेळले गेले आहेत. गुणतालिकेत मँचेस्टर ओरिजिनल्सच्या स्थितीचा विचार केला तर, 4 सामन्यांत २ विजय आणि 2 पराभवांनंतर ते 8 गुणांसह दुसऱ्या स्थानावर आहेत, तर त्यांचा नेट रनरेट +0.610 असा आहे. अशा स्थितीत त्यांच्यासाठी पुढील चारही सामने अत्यंत महत्त्वाचे असणार आहेत, जिथे चांगली कामगिरी करून ते थेट फायनलमधील आपले स्थान पक्के करू शकतात.