पोलीसांनी दिलेल्या माहितीनुसार, हा अपघात ६ एप्रिल २०२६ रोजी सकाळी सुमारे ११.३० वाजण्याच्या सुमारास घडला. सुभाष बन्सी ओव्हाळ (वय ४२) हे त्यांची दुचाकी (एमएच १४ डीजी ७२६४) घेऊन थरमॅक्स चौकातून बर्ड व्हॅली चौकाच्या दिशेने जात होते. त्यावेळी पाठीमागून येणाऱ्या टेम्पो ट्रक (एमएच ०४ एफयू ६६५५) चालकाने वेगात, निष्काळजीपणे वाहन चालवत दुचाकीला जोरदार धडक दिली.

धडकेनंतर टेम्पो ट्रक ओव्हाळ यांच्या अंगावरून गेल्याने त्यांच्या डोक्याला, कपाळाला तसेच हात-पायांना गंभीर दुखापत झाली. या अपघातात त्यांचा जागीच मृत्यू झाला.

या प्रकरणी त्यांचा मुलगा अजय सुभाष ओव्हाळ (वय २३, रा. चिखली) यांनी फिर्याद दिली असून संतोष सुभाष दळगडे (वय ४५, रा. चिखली) या टेम्पो चालकाविरुद्ध भारतीय न्याय संहिता कलम १०६ (१), २८१, १२५ (ब) तसेच मोटार वाहन कायद्यानुसार गुन्हा दाखल करण्यात आला आहे. निगडी पोलिसांनी आरोपीला अटक केली असून पुढील तपास सुरू आहे.

महाईन्यूज-X वर फॉलो करा : महाईन्यूजला instagram वर फॉलो करा