आजची आधुनिक भारतीय वधू आपल्या सांस्कृतिक मुळांशी जोडलेली असतानाच, आपल्या लग्नाला स्वतःची वेगळी ओळख देऊ इच्छिते. याच विचारातून हा संग्रह साकारण्यात आला आहे.

लग्न ठरल्यापासून पुढील ८ ते १२ महिन्यांत वधू लग्नाचे ठिकाण, विविध समारंभ, पेहराव, छायाचित्रण, सजावट, सौंदर्यविषयक तयारी आणि दागिने अशा अनेक गोष्टींची निवड करते. त्यामुळे लग्नाच्या दागिन्यांकडे पाहण्याचा तिचा दृष्टिकोनही बदलला आहे. एका दागिन्यांच्या संचावर अवलंबून राहण्याऐवजी लग्नातील वेगवेगळ्या प्रसंगांसाठी स्वतंत्र दागिने निवडण्याकडे वधूंचा कल वाढला आहे.

याच बदलत्या दृष्टिकोनाला अनुसरून 'वेडिंग सिग्नेचर्स' हा संग्रह तयार करण्यात आला आहे. लग्नातील विविध कार्यक्रम आणि समारंभांसाठी वापरता येतील, अशा दागिन्यांचा संपूर्ण संच या संग्रहात देण्यात आला आहे.

या संग्रहातील प्रत्येक वधूचा साज तिच्या प्रादेशिक परंपरेनुसार वेगळ्या दागिन्यांच्या शैलीत साकारण्यात आला आहे. मराठी संचामध्ये वाटी मंगळसूत्र, तुशी हार आणि वज्र टीक चोकर, तर राजस्थानी मारवाडी संचामध्ये बोरला, तेवटा, आड आणि पंचलडा हार यांचा समावेश आहे. गुजराती संचामध्ये चंदन हार, दोडी, मोर आणि कैरी या पारंपरिक दागिन्यांच्या शैलींचा वापर करण्यात आला आहे.

तमिळ आणि तेलुगू संचांमध्ये दक्षिण भारतीय दागिन्यांच्या वैशिष्ट्यपूर्ण शैलींसोबत मंदिरांच्या वास्तुरचनेपासून प्रेरणा घेतलेल्या दागिन्यांचा समावेश आहे. विविध संस्कृती आणि आधुनिक शैलींचा प्रभाव असलेल्या वधूंसाठी देशभरातील महानगरांसाठीच्या संचामध्ये समकालीन स्वरूपातील दागिने सादर करण्यात आले आहेत. या संग्रहात कलीरे, माथापट्टी, वांकी, सूर्य आणि चंद्र, नेथी चुट्टी आणि मत्तल यांसारख्या दागिन्यांचाही समावेश आहे. पारंपरिक प्रादेशिक दागिन्यांच्या शैलींना आधुनिक रूप देत रिवाहने आपल्या दागिन्यांच्या संग्रहात आणखी वैविध्य आणले आहे.

तनिष्कच्या डिझाइन एक्सलन्स सेंटरने हा संग्रह विकसित केला आहे. सातही वधू परंपरांची प्रादेशिक वैशिष्ट्ये, डिझाइनमधील कौशल्य आणि उत्कृष्ट कारागिरी यांचा मेळ या संग्रहात साधण्यात आला आहे.

'वन वेडिंग. मेनी स्टोरीज.'

'वन वेडिंग. मेनी स्टोरीज.' या मोहिमेच्या माध्यमातून 'वेडिंग सिग्नेचर्स' संग्रहाला लग्नाशी संबंधित इतर अनुभवांशी जोडण्यात आले आहे. लग्नाचे ठिकाण, छायाचित्रण आणि चित्रपटाच्या माध्यमातून या संकल्पनेला व्यापक रूप देण्यात आले आहे.

प्रसिद्ध विवाह छायाचित्रकार जोसेफ राधिक यांनी जयपूरमधील ताज जय महाल पॅलेस येथे काही निवडक वधूंचे साज छायाचित्रबद्ध केले आहेत. प्रसिद्ध चित्रपट दिग्दर्शक शूजित सरकार यांनी विविध प्रादेशिक कथांवर आधारित चित्रफितींच्या मालिकेतून ही संकल्पना साकारली आहे.

दक्षिण भारतातील मोहिमेसाठी अभिनेत्री अनुपमा परमेश्वरन ही रिवाहची प्रतिनिधी असून, तिच्या माध्यमातून दक्षिण भारतातील वधूंपर्यंत ही मोहीम पोहोचवली जात आहे.

या मोहिमेत केवळ दागिने प्रदर्शित करण्याऐवजी लग्नाचे ठिकाण, वातावरण आणि त्यामागच्या कथा यांना दागिन्यांशी जोडण्यात आले आहे. त्यामुळे या संग्रहाच्या माध्यमातून वधूभोवती घडणाऱ्या संपूर्ण लग्नसोहळ्याचा एकसंध अनुभव मांडण्यात आला आहे.

या संग्रहाच्या शुभारंभाबद्दल बोलताना तनिष्कच्या मुख्य विपणन अधिकारी पेकी त्शेरिंग म्हणाल्या, "रिवाहमध्ये आमचा विश्वास आहे की प्रत्येक वधू आपले लग्न तिच्या खास पद्धतीने घडवत असते. आजच्या वधू आपल्या लग्नाची अधिक विचारपूर्वक आखणी करत आहेत. लग्नाचे ठिकाण आणि समारंभांपासून ते पेहराव, छायाचित्रण आणि दागिन्यांपर्यंतची प्रत्येक निवड त्यांच्या मनातील लग्नाचा अनुभव घडवत असते. लग्नाच्या दागिन्यांकडे पाहण्याच्या आमच्या दृष्टिकोनातही हे प्रतिबिंबित व्हावे, अशी आमची इच्छा होती. 'वेडिंग सिग्नेचर्स'मध्ये सात वेगवेगळ्या भारतीय वधूंच्या शैलींसाठी संपूर्ण दागिन्यांचे संच एकत्र आणण्यात आले आहेत. लग्नाच्या प्रवासातील वेगवेगळ्या प्रसंगांसाठी हे दागिने तयार करण्यात आले आहेत. 'वन वेडिंग. मेनी स्टोरीज.'च्या माध्यमातून आम्ही या संग्रहाला लग्नाचे ठिकाण, छायाचित्रण आणि चित्रपटाच्या व्यापक विश्वाशी जोडत आहोत. त्यामुळे वधूभोवती घडणाऱ्या संपूर्ण लग्नसोहळ्याचे अधिक व्यापक आणि सर्वसमावेशक चित्र या माध्यमातून उभे राहते."

रिवाह बाय तनिष्कचा 'वेडिंग सिग्नेचर्स' संग्रह तनिष्कच्या दालनांमध्ये तसेच ऑनलाइन उपलब्ध आहे.