त्याशिवाय कोटा प्रवेशांतून ५,६१८ प्रवेश निश्चित झाल्याने प्रवेश प्रक्रियेच्या पहिल्याच दिवशी एकूण ४९ हजार २५५ विद्यार्थ्यांची प्रवेश प्रक्रिया पूर्ण झाली आहे. पहिल्या यादीत महाविद्यालय अलॉट झालेल्या विद्यार्थ्यांची संख्या पाच लाख ७४ हजार ९४५ एवढी आहे.त्या तुलनेत पहिल्याच दिवशी साडेसात टक्के विद्यार्थ्यांनी प्रवेश घेतला. तसेच प्रवेशासाठीची मुदत आता वाढवण्यात आली असून विद्यार्थी ६ जूनपर्यंत पहिल्या फेरीचे प्रवेश निश्चित करू शकतात.

यंदा अकरावी प्रवेशासाठी राज्यभरात २१ लाख ९८ हजार ६६६ जागा उपलब्ध आहेत. मुंबईत उपलब्ध जागांची संख्या चार लाख ७७ हजार २१० एवढी आहे. राज्यभरात पहिल्या फेरीसाठी आठ लाख ८७ हजार २६४ विद्यार्थ्यांनी आपले अर्ज लॉक केले होते. त्यापैकी पहिल्या यादीत महाविद्यालय अलॉट झालेल्या विद्यार्थ्यांची संख्या पाच लाख ७४ हजार ९४५ एवढी आहे. मुंबईत अर्ज लॉक करणाऱ्यांची संख्या दोन लाख १२ हजार ९१७ एवढी असून त्यापैकी एक लाख ३३ हजार ३२३ विद्यार्थ्यांचे नाव पहिल्या यादीत आले आहे.

या पहिल्या फेरीत पुणे विभागातून सर्वाधिक म्हणजे १०,६८७ विद्यार्थ्यांनी महाविद्यालयांमध्ये जाऊन प्रवेश प्रक्रिया पूर्ण केली आहे. या विभागातून एक लाख नऊ हजार ६२३ विद्यार्थ्यांना पहिल्या यादीत महाविद्यालय अलॉट झाले आहे. पुण्याखालोखाल प्रवेश प्रक्रिया पूर्ण करण्यात नागपूर विभागाचा क्रमांक असून या विभागातून ६,८७५ विद्यार्थ्यांचे प्रवेश पूर्ण झाले आहेत. नागपूरमधून ५४,९३७ विद्यार्थ्यांना पहिल्या यादीत महाविद्यालय मिळाले आहे.

Sports Industry Jobs: खेळाडू न बनताही क्रीडा क्षेत्रात कमवा लाखो रुपये! स्पोर्ट्स मॅनेजमेंट आणि सायन्समध्ये करिअर कसं करावं? संपूर्ण माहिती

Division-wise Breakdown Maharashtra FYJC Admission 2026: विभागीय आकडेवारी: पुणे अव्वल, मुंबई तिसऱ्या स्थानी