Akanksha Puri हिचा पैठणी साडीतील लुक सोशल मीडियावर चर्चेचा विषय ठरला असून पारंपरिक आणि आधुनिक स्टाइलचा मिलाफ दिसला. या लुकमुळे काहींनी टीका केली, तर अनेकांनी तिच्या वेगळ्या स्टाइलचं कौतुक केलं.
त्यामुळे पैठणीबद्दल लोकांच्या मनात विशेष जिव्हाळा आणि आदर आहे. अशा परिस्थितीत जेव्हा एखादा कलाकार पारंपरिक पेहरावात वेगळा प्रयोग करतो, तेव्हा त्यावर प्रतिक्रिया येणं स्वाभाविक आहे. अशात या लेखात आज आपण आकांक्षा पुरीचा हा लुक कसा होता हे पाहूया आणि पैठणी साडी नेसताना कोणत्या गोष्टींची काळजी घेणे गरजेचे आहे हे ही पाहूया. ( फोटो सौजन्य :- @akanksha8000)आकांक्षा पुरीचा पैठणी लुक
Akanksha Puri हिचा पैठणी लुक अलीकडे सोशल मीडियावर खूप चर्चेत आला. तिने हिरव्या रंगाची पारंपरिक पैठणी साडी नेसून एक वेगळा फॅशन प्रयोग सादर केला. तिचा साडी नेसण्याचा अंदाज पारंपरिक होता, पण त्यासोबतचा ब्लाऊज मात्र आधुनिक डिझाइनचा होता, त्यामुळे हा लुक विशेष लक्षवेधी ठरला.तिच्या या लुकमध्ये साडीचा रंग, काठ आणि डिझाइन खूप आकर्षक होते.
पारंपरिक दागिन्यांनी तिने हा लुक पूर्ण केला. सोशल मीडियावर अनेकांनी म्हटलं की, पैठणीसारख्या साडीवर पारंपरिक ब्लाऊजच अधिक शोभतो. त्यांच्या मते, अशा साडीचा सन्मान राखणं गरजेचं आहे. तर दुसरीकडे काहींनी आकांक्षाच्या आत्मविश्वासाचं आणि वेगळ्या स्टाइलचं कौतुक केलं.
पैठणीवर कोणते दागिने कॅरी करावे
पैठणी साडी ही स्वतःमध्येच खूप समृद्ध आणि आकर्षक असते, त्यामुळे तिच्यासोबत दागिने निवडताना संतुलन राखणं खूप महत्त्वाचं असतं. अलीकडे Akanksha Puri हिने पैठणीवर हिरव्या रंगाचा नेकलेस कॅरी करून एक वेगळा आणि उठावदार लुक तयार केला होता. पैठणीवर पारंपरिक दागिने सर्वाधिक शोभून दिसतात.
सर्वात आधी येतो तो म्हणजे ठूशी.हा छोट्या मण्यांचा गळ्यात बसणारा हार असून तो पैठणीसोबत खूप सुंदर दिसतो. लग्नसमारंभ किंवा पारंपरिक कार्यक्रमांसाठी हा उत्तम पर्याय आहे.त्याच प्रमाणे कोल्हापुरी साज हा महाराष्ट्राच्या पारंपरिक दागिन्यांमध्ये अत्यंत खास मानला जातो. यामध्ये विविध प्रकारचे छोटे-छोटे पेंडंट असतात, जे धार्मिक आणि सांस्कृतिक महत्त्व दर्शवतात. पैठणीसोबत हा साज खूप उठून दिसतो.
साडीवर कोणती हेअरस्टाईल कॅरी करावी
साडीसोबत योग्य हेअरस्टाईल निवडली तर संपूर्ण लुक खूपच उठून दिसतो. साडी पारंपरिक असो किंवा आधुनिक, केसांची स्टाइल तुमचा व्यक्तिमत्त्व अधिक सुंदरपणे दाखवते.साडीवर सर्वात जास्त शोभणारी हेअरस्टाईल म्हणजे अंबाडा. लो बन किंवा मिड बन दोन्ही छान दिसतात. यावर गजरा लावला तर लुक अधिक खुलतो. लग्न, सण किंवा खास प्रसंगी हा बेस्ट पर्याय आहे.
फॅशन काही टिप्स
- चेहऱ्याच्या आकारानुसार हेअरस्टाईल निवडा
- जड साडी असेल तर अंबाडा किंवा वेणी जास्त शोभते
- हलकी साडी असेल तर ओपन हेअर किंवा पोनीटेल चांगले दिसतात
- गजरा, पिन्स किंवा हेअर अॅक्सेसरीज वापरल्यास लुक अधिक सुंदर होतो
हातात कोणत्या बंगड्या कॅरी कराव्या
पारंपरिक साड्यांसोबत, विशेषतः पैठणीवर, सोन्याच्या बांगड्या खूपच सुंदर दिसतात. त्या साध्या असोत किंवा डिझाइन असलेल्या दोन्ही प्रकार उठून दिसतात. लग्न, सण किंवा खास कार्यक्रमांसाठी हा सर्वोत्तम पर्याय आहे.काचाच्या रंगीबेरंगी बांगड्या साडीला अधिक आकर्षक बनवतात. साडीच्या रंगाशी मॅचिंग किंवा कॉन्ट्रास्ट रंग निवडला तर लुक अधिक सुंदर दिसतो.