अभिनेत्री अदा शर्मा सोशल मीडियावर बरीच सक्रिय असते. कधी ती तिचे सुदंर फोटो शेअर करते तर कधी छान पैकी कवितावगैरे बोलून दाखवते. आता सुद्धा तिने इन्स्टाग्रामवर एक अशी पोस्ट शेअर केलीय जी खूप व्हायरल होतेय.
आपल्या इन्स्टा पोस्टद्वारे 'लेडीज फर्स्ट' या संकल्पनेबाबत एक रंजक सिद्धांत तिने मांडला आहे. 'लेडीज फर्स्ट' ही प्रथा सामान्यतः महिलांप्रती आदर, सौजन्य आणि शिष्टाचार यांच्याशी जोडली जात असली, तरी अदाने या प्रथेमागील तिच्या मनात आलेली एक वेगळीच बाजू मांडली. मात्र, या थिएयरीला पुष्टी देणारा कोणताही ठोस ऐतिहासिक पुरावा उपलब्ध नाही, असेही तिने स्पष्ट केले.
अदाच्या मते 'लेडीज फर्स्ट' या वाक्प्रचारामागील तो गडद सिद्धांत काय आहे?
आपल्या पोस्टमध्ये अदा शर्माने स्पष्ट केले की, एका सिद्धांतानुसार, मध्ययुगीन काळात जेव्हा लोक एखाद्या अनोळखी किंवा धोकादायक ठिकाणी प्रवेश करत असत, तेव्हा स्त्रियांना मुद्दाम सर्वात आधी पुढे पाठवले जात असे. सापळे, अस्थिर जमीन किंवा लपलेले शत्रू यांची पूर्वसूचना मिळावी, हे त्यामागचे कारण सांगितले जाते. याची गमतीशीरपणे मांडणी करताना अदाने लिहिले की, त्यातील मूळ संदेश असा होता: "तुम्ही आधी जा; जर तुम्ही वाचलात, तरच आम्ही तुमच्या मागे येऊ."अदाने स्वतःच स्पष्ट केले: या सिद्धांतामागे कोणताही ठोस पुरावा नाही
तरीही, अदाने आपल्या पोस्टमध्ये ही गोष्ट एक प्रस्थापित सत्य म्हणून मांडली नाही. तिने स्पष्ट केले की या सिद्धांतासाठी कोणताही ठोस ऐतिहासिक पुरावा उपलब्ध नाही आणि अनेक इतिहासकार याला केवळ एक 'शहरी दंतकथा' मानतात.तिने असा प्रश्नही उपस्थित केला की, ऐतिहासिक कथांची केवळ एकच आवृत्ती लोकांपर्यंत पोहोचते पण त्या कथानकाला दुसरीही एखादी बाजू असू शकते. अदाने लोकांना 'लेडीज फर्स्ट' या संकल्पनेचा विचार करण्याचे आवाहन केले आहे. ही केवळ आदर आणि सौजन्याची परंपरा होती, की इतिहासातील सर्वात यशस्वी 'पीआर मोहीम' होती? असे ती म्हणाली.
अदाच्या पोस्टवर युजर्सनी मजेशीर प्रतिक्रिया दिल्या
सोशल मीडियावरील युजर्सनी अदा शर्माच्या या पोस्टला मजेशीर पद्धतीने प्रतिक्रिया दिल्या आहेत. एका युजरने लिहिले, "अरे बापरे, आम्हाला आतापर्यंत अंधारात का ठेवले होते?" दुसऱ्या एका युजरने कमेंट केली, "काहीही असो, 'पहिले' असण्याचा या महिला नक्कीच आनंद घेत आहेत." अदाच्या या थियरीवर प्रतिक्रिया देताना आणखी एका युजरने लिहिले, "तुझा सिद्धांत तर एकदम भारी आहे."अदा शर्माच्या या पोस्टमुळे सोशल मीडियावर 'लेडीज फर्स्ट' या नेहमी वापरल्या जाणाऱ्या वाक्प्रचाराबाबत एक रंजक चर्चा सुरू झाली आहे. मात्र, तिच्या पोस्टमध्ये मांडलेला गडद सिद्धांत ऐतिहासिक सत्य मानला जाऊ शकत नाही.
अदा शर्माबद्दल बोलायचे झाल्यास द काश्मिरी फाइल्स या सिनेमामुळे ती खूप प्रसिद्ध झाली. शिवाय तिने राहण्यासाठी सुद्धा दिवंगत सुशांत सिंह राजपूतने जिथे जीव दिलेला तेच घर निवडले. त्यासाठीही ती चर्चेत होती.