Social Media Rules: मलेशियाने १६ वर्षांखालील मुलांच्या सोशल मीडिया वापरावर निर्बंध आणण्याचा निर्णय घेतला आहे. सायबर बुलिंग, ऑनलाइन फसवणूक आणि मुलांच्या सुरक्षिततेच्या पार्श्वभूमीवर हा निर्णय घेण्यात आला आहे.

मलेशियामधील कम्युनिकेशन्स अँड मल्टिमीडिया कमिशनने सोशल मीडियाचा गैरवापर थांबवण्यासाठी हा निर्णय घेतल्याचं सांगितलं आहे. आतापर्यंत सोशल मीडिया सर्वांसाठी खुला होता. पण काही सायबर गुन्हेगार लोकांची फसवणूक करत आहेत. विशेषतः लहान मुलांची अकाउंट्स हॅक करून त्यांचा गैरवापर केला जात आहे. गेल्या काही काळात मलेशियामध्ये अशी अनेक प्रकरणं समोर आली आहेत.

खरं तर फसवणूक मोठ्या लोकांचीही होते. पण लहान मुलांना गंडवणं तुलनेने सोपं असतं. कारण मुलं फार जिज्ञासू असतात. कुठलीही लिंक पाठवली तर ती उत्सुकतेपोटी लगेच क्लिक करतात. आणि याचाच फायदा स्कॅमर्स घेतात. या समस्येवर उपाय म्हणून एज व्हेरिफिकेशन सिस्टम लागू करण्यात येत आहे.
(Brian Ramirez/pexels.com)