मुंबई - श्रीदेवी, माधुरी दीक्षित, रेखा, हेमा मालिनी, जया प्रदा, मंदाकिनी आणि पूनम ढिल्लन यांसारख्या प्रसिद्ध अभिनेत्रींनी ८० आणि ९० च्या दशकात आपल्या अभिनयानं आणि सौंदर्यानं मोठा चाहतावर्ग निर्माण केला.
त्यांच्यापैकी एक अशी अभिनेत्री आहे जिनं त्या काळात अनेक हिट चित्रपट दिले आणि स्वतःचं एक वेगळं स्थान निर्माण केलं. ती केवळ तिच्या उत्कृष्ट अभिनयासाठी आणि सौंदर्यासाठीच नव्हे, तर तिच्या फिटनेससाठीही ओळखली जात होती. ही अभिनेत्री म्हणजे अनिता राज. अनिता राज यांनी धर्मेंद्र, मिथुन चक्रवर्ती, अनिल कपूर, गोविंदा, जितेंद्र, राज बब्बर, शशी कपूर आणि ऋषी कपूर यांच्यासह अनेक मोठ्या कलाकारांसोबत काम केलं.
धर्मेंद्र अनिता राज यांच्या प्रेमात होते
त्यानंतर काळ बदलला आणि अनिता २००७ मध्ये टेलिव्हिजनकडे परतल्या. आजही अनिता राज मालिकांमध्ये काम करतायत. १९९२ मध्ये दिग्दर्शक सुनील हिंगोराणी यांच्याशी लग्न केल्यानंतर, त्यांनी वैयक्तिक आयुष्यावर आणि कुटुंबावर लक्ष केंद्रित करण्यासाठी चित्रपटांपासून दूर राहण्याचा निर्णय घेतला.
अनिता राज यांचा जन्म एका चित्रपट कुटुंबात झाला. त्या जगदीश राज यांची मुलगी असून ते अनेक बॉलिवूड चित्रपटांमध्ये पोलीस अधिकाऱ्यांच्या भूमिकांसाठी ओळखले जाणारे एक सुप्रसिद्ध अभिनेते आहेत. त्यांनी १७७ वेळा इन्स्पेक्टरची भूमिका साकारली. चित्रपटसृष्टीच्या वातावरणात वाढल्यामुळे अनिता यांचा कल अभिनयाकडे वळला.
अनिता राज यांच्या मालिका

