मृतक केतन अग्रवाल याचे आजोबा देवीचंद किशनलाल अग्रवाल यांचं निधन झालं आहे. नातव्याच्या हत्येच्या घटनेचा त्यांना मोठा मानसिक धक्का बसला होता. त्यांच्याकडून केतनला न्याय मिळावा यासाठी आंदोलनदेखील करण्यात आलं होतं. आपल्याच लोकांनी आपल्याला धोका दिल्याची भावना त्यांनी काही दिवसांपूर्वी व्यक्त केली होती.

देवीचंद अग्रवाल हे 83 वर्षांचे होते. गेल्या दोन दिवसांपासून त्यांच्यावर पुण्यातील एका खासगी रुग्णालयात आयसीयूत उपचार सुरु होते. नातवाच्या आठवणीत ते व्याकूळ झाले होते. आपल्या नातवासोबत घडलेल्या घटनेचा त्यांना मोठा धक्का बसला होता. ते सातत्याने या घटनेचा विचार करत होते. या घटनेनंतर कुटुंबातील एकंदरीत परिस्थितीमुळे ते चिंतेत होते.

घरातील तरुण मुलाचे निधन झाल्याने देवीचंद अग्रवाल अस्वस्थ होते. केतनचा सिया गोयल हिच्यासोबत लग्न जमवल्याचा त्यांना पश्चात्ताप होत होता. याच विचारात ते आजारी पडल्याची माहिती आहे. त्यांच्यावर रुग्णालयात उपचार सुरु होते. त्यांना आयसीयूत दाखल करण्यात आलं होतं. पण दोन दिवस आयसीयूत उपचार घेतल्यानंतर त्यांची प्राणज्योत आज मालवली.

देवीचंद अग्रवाल कँडलमोर्चात झाले होते सहभागी

केतन अग्रवाल प्रकरणातील आरोपींना 14 दिवसांची न्यायालयीन कोठडी