Dailyhunt Logo
  • Light mode
    Follow system
    Dark mode
    • Play Story
    • App Story
Gayatri Datar : शुभमंगल सावधान! गायत्री दातार अडकली लग्नबंधनात; श्रीकांत चवारेसोबत केली आयुष्याच्या नवीन पर्वाची सुरुवात

Gayatri Datar : शुभमंगल सावधान! गायत्री दातार अडकली लग्नबंधनात; श्रीकांत चवारेसोबत केली आयुष्याच्या नवीन पर्वाची सुरुवात

मुंबई - झी मराठी वाहिनीवरील 'तुला पाहते रे' या मालिकेतून मराठी अभिनेत्री गायत्री दातारला लोकप्रियता मिळाली. अभिनेत्री तिच्या प्रोफेशनल आयुष्यासोबतच वैयक्तिक आयुष्यामुळेही चर्चेत आली आहे.

अभिनेत्री नुकतीच लग्नबंधनात अडकली असून तिच्या लग्नाचे फोटो सोशल मीडियावर व्हायरल झाले आहेत.

गायत्री दातार अडकली लग्नबंधनात

काही महिन्यांपूर्वी गायत्री दातारने होणाऱ्या नवऱ्यासोबतचे फोटो सोशल मीडियावर शेअर करत प्रेमाची कबुली दिलेली. त्यानंतर अभिनेत्री लग्न कधी करणार याकडे चाहत्यांचं लक्ष वेधलं होतं. आता गायत्री दातारनं श्रीकांत चवारेसोबत लग्नगाठ बांधलीये. अभिनेत्रीच्या लग्नाला सिद्धार्थ चांदेकरने हजेरी लावलेली. सिद्धार्थनं गायत्रीच्या लग्नाचा व्हिडिओ शेअर केलाय. व्हिडिओमध्ये गायत्री तिच्या नवऱ्याला हार घालताना दिसतेय.


गायत्रीनं लग्नासाठी खास गुलाबी रंगाची साडी परिधान केलेली. त्यावर अभिनेत्रीनं हिरव्या रंगाचा चुडा घातलेला दिसतोय. तर गायत्रीच्या नवऱ्यानं सफेद रंगाची शेरवानी परिधान केली आहे. गायत्रीच्या लग्नाचा हा व्हिडिओ सोशल मीडियावर व्हायरल झाल्यावर चाहत्यांनी अभिनेत्रीच्या आयुष्याच्या नव्या पर्वासाठी शुभेच्छा दिल्या आहेत. दरम्यान, शुक्रवारी गायत्रीनं ग्रहमख विधीचे फोटो सोशल मीडियावर शेअर केलेले. त्यानंतर अभिनेत्रीच्या मेहेंदी सोहळ्याचे फोटोही व्हायरल झाले.

कोण आहे गायत्री दातारचा नवरा?

गायत्री दातारच्या नवऱ्याचं नाव श्रीकांत चवारे असून त्यानं IIT Bombay मधून शिक्षण पूर्ण केलंय. श्रीकांत ड्रोन फोटोग्राफरसुद्धा आहे.

अभिनेत्रीची लव्ह स्टोरी

गायत्री दातारनं 'राजश्री मराठी'ला तिची आणि श्रीकांतची लव्हस्टोरी सांगितलेली. अभिनेत्री म्हणालेली की, 'मी माझ्या मित्र-मैत्रिणींमुळे डेटिंग अ‍ॅप डाऊनलोड केलं होतं. सगळं प्रोफाइल भरलं. त्यानंतर बऱ्याच लोकांनी मला ओळखलं. पण, मला कोणत्याही फॅनबॉयला भेटण्याची इच्छा नव्हती. त्यानंतर मग मी श्रीकांतचं प्रोफाइल पाहिलं. आमचं बोलणं सुरू झाल्यावर मी त्याला माझं नावही सांगितलं नव्हतं, माझा नंबर सुद्धा दिला नव्हता. आम्ही डेटिंग अ‍ॅपवरच चॅट करायचो. त्यानंतर आम्ही भेटलो तेव्हा खूप वेळ आम्ही गप्पा मारत होतो. मला एक दिवस असं मनापासून वाटलं की, आता करुयात लग्न. लोणावळ्यात मी त्याला अचानक बोलले की, आता आपण घरी वगैरे सांगूयात.दोघांच्याही घरी विरोध कुठेच काही झाला नाही. दोन्ही कुटुंब भेटली आणि सगळं एकदम छान झालं.'

Dailyhunt
Disclaimer: This content has not been generated, created or edited by Dailyhunt. Publisher: maharashtr taims