मुंबई - दिल्ली उच्च न्यायालयानं गुरुवारी रॅपर हनी सिंग आणि बादशाह यांना मोठा धक्का दिला. न्यायालयानं त्यांचं २००० च्या दशकातील वादग्रस्त गाणं 'माफिया मुंडीर व्हॉल्यूम १' सर्व प्लॅटफॉर्मवरून तात्काळ काढून टाकण्याचे आदेश दिले आहेत.
इतकंचं नाही, तर उच्च न्यायालयानं हे गाणं अत्यंत अश्लील आणि असभ्य, महिलांचा अपमान करणारं असल्याचं म्हटलं आहे.
हिंदू शक्ती दलानं गाण्याविरोधात याचिका दाखल केलेली
गाणं ऐकल्यानंतर आणि त्याचे बोल वाचल्यानंतर, न्यायमूर्ती पुरुषेंद्र कौरव यांनी सांगितलं की, न्यायालयाच्या सद्सद्विवेकबुद्धीला खोलवर धक्का देणाऱ्या अत्यंत दुर्मिळ प्रकरणांपैकी हे एक आहे. ही एक दुर्दैवी घटना आहे. कारण गाण्याचे बोल महिलांप्रति अपमानकारक आहेत, असं न्यायालयाने सांगितलं.
न्यायाधीशांनी तीव्र शब्दांत टीका करत म्हटलं की, कलात्मक अभिव्यक्ती किंवा भाषण स्वातंत्र्याच्या नावाखाली, अल्पवयीन मुलांसह सर्व वयोगटातील लोकांसाठी उपलब्ध असलेल्या सार्वजनिक माध्यमांवर अशा आशयाचा प्रसार करणं पूर्णपणे अस्वीकार्य आहे.
हनी सिंग आणि बादशाह यांना न्यायालयाची नोटीस