Iran New Weapon: इराण करणार नवीन, गूढ शस्त्राचा वापर, भीतीपोटी शत्रूला येईल हार्ट अटॅक; शहराम इराणी यांचा दावा

Iran Threat To US: अमेरिका-इस्रायल विरूद्धच्या युद्धात इराणने अमेरिकेला एका नवीन आणि गूढ शस्राचा वापर करण्याची धमकी दिली आहे. ज्याची त्यांच्या शत्रू देशांना प्रचंड भीती वाटते आणि त्यामुळे त्यांना हृदयविकाराचा झटका येऊ शकतो, असे इराणचे म्हणणे आहे.

अमेरिकेने इराणचा शांतता प्रस्ताव फेटाळल्यानंतर ही धमकी देण्यात आली आहे. इराण शेवटच्या श्वासापर्यंत सगळ्याचा सूड घेईल अशी धमकी देत, इराणी नौदलाचे कमांडर यांनी अमेरिकेला वेळीच सावध होण्याचा इशारा दिला असून, आता इराण कोणता मोठा बॉम्ब फोडणार याकडे सर्वांचे लागले आहे.

इराणची अमेरिकेला धमकी

दरम्यान, अमेरिकेने नाकेबंदी उठवडल्यास, इराणही होर्मुझची सामुद्रधुनी पुन्हा खुली करतील असा सौद्याचा प्रस्ताव मांडला होता. हा प्रस्ताव अमेरिकेने पूर्णपणे फेटाळला आणि नाकेबंदी सुरूच राहिल असे सांगितले. यावर इराणचे नौदल कमांडर रिअर अॅडमिरल शहराम इराणी, म्हणाले की, 'इराण आता अमेरिका आणि इस्रायलचा सामना लवकरच अशा एका श्स्त्राने करेल, ज्याची त्यांना प्रचंड भीती वाटते. आणि ते त्यांच्या अगदी जवळच आहे...मला आशा आहे की त्यांना हृदयविकाराचा झटका येणार नाही.'

इराणला खाली पाडायचे अमेरिकेचे प्रयत्न 'फेल'

इराणनी या शस्त्राची अद्याप कोणतीही ठोस माहिती दिली नाही. अमेरिकेने होर्मुझच्या सामुद्रधुनीमार्गे इराणचा होणारा तेल व्यापार रोखून, त्यांच्यावर आर्थिक दबाव आणण्याचा प्रयत्न करून, तेहरानला कोणत्याही अटीशिवाय करार स्वीकारण्यास भाग पाडण्याचा प्रयत्न केला. मात्र, शहराम इराणी यांनी ट्रम्प प्रशासनाच्या या धोरणाचीही खिल्ली उडवली आणि म्हटले की, 'अमेरिकेच्या दाबावाखाली येऊन इराण त्यांच्यापुढे झुकेल, हा शत्रूंचा चुकीचा समज आहे.'

इराणशी पंगा घेणे अमेरिकेला पडेल भारी - इराणी

इराणने आधीच अमेरिकेच्या अब्राहम लिंकन या विमानावाहू जहाजावर सात क्षेपणास्त्र हल्ल्यांसह, अमेरिकन आणि इस्रायली लक्ष्यांवर किमान 100 यशस्वी प्रत्युत्तर हल्ले केले आहेत, असा दावा शहराम इराणी यांनी केला आहे. आता त्याहूनही भीषण शस्त्र जवळ असल्याचे सांगून ते अमेरिकेला इशारा देत आहेत की, जर अमेरिकन सैन्य अधिक जवळ आले, तर इराण कोणतीही दया दाखवणार नाही. आणि 'नो मोअर नाईस कंट्री' बनेल.

इराण शेवटच्या श्वासापर्यंत घेणार सूड

नाकेबंदी दरम्यान अमेरिकी सैन्याने ये-जा करणाऱ्या काही इराणी जहाजांची जप्ती केली, याबाबत बोलतानाही शहराम इराणी यांनी ही केवळ अमेरिकेकडून समुद्रीमार्गावर केली जाणारी लूटमार नव्हे तर, स्वतःच्या मागण्या पूर्ण करण्यासाठी देशावर जबरदस्ती करण्याचा प्रयत्न आहे, अशी खोचक टीका केली आहे. तसेच त्यांच्या लोकांचा गेलेला जीव आणि सांडलेले रक्त याचा शेवटच्या श्वासापर्यंत सूड घेण्याची शपथ त्यांनी घेतली आहे. ज्यासाठीच ते या नवीन शस्त्राचा वापर करू शकतात असे म्हटले जात आहे.