नवे निकष रद्द करून प्रचलित नियम कायम ठेवावेत आणि विद्यार्थ्यांचे शैक्षणिक नुकसान टाळावे, या मागणीसाठी महासंघाने आंदोलनाचे हत्यार उपसले असून, ४ सप्टेंबरला शिक्षण आयुक्त कार्यालयावर धडक मोर्चा काढण्यात येणार आहे. राज्यभरातून अडीच ते तीन हजार शिक्षक मोर्चात सहभागी होणार असल्याचा दावा महासंघाने केला आहे.

शैक्षणिक वर्ष २०२५-२६च्या संचमान्यतेत विद्यार्थ्यांची संख्या, तासिकेचा कालावधी, विज्ञानाच्या प्रात्यक्षिकांच्या तुकड्यांतील विद्यार्थीसंख्या, तसेच आदिवासी आणि डोंगराळ भागांतील तुकडी मंजुरीचे निकष बदलण्यात आल्याचे महासंघाचे म्हणणे आहे. परिणामी, काही कायम शिक्षक अतिरिक्त ठरले असून, तात्पुरत्या सेवेतील शिक्षक आणि शिक्षण सेवकांच्या सेवांवरही गदा आली आहे.

Teachers Day 2026: शिक्षकांचा गौरव आणि डॉ. राधाकृष्णन यांची जयंती! ५ सप्टेंबरलाच का साजरा होतो शिक्षक दिन? वाचा महत्त्व अन् पुरस्कार सोहळा

'शिक्षणमंत्री, अधिकारी, सचिव, आयुक्त आणि संचालकांकडे निवेदने देऊनही तोडगा निघालेला नाही. प्रचलित नियम लागू करून विद्यार्थ्यांचे शैक्षणिक हित आणि शिक्षकांच्या सेवा सुरक्षित ठेवाव्यात. मागण्यांकडे दुर्लक्ष झाल्यास यापेक्षा तीव्र आंदोलन छेडले जाईल', असा इशारा महासंघाचे समन्वयक प्रा. मुकुंद आंधळकर यांनी दिला आहे.

तासिका ४५ ऐवजी ४० मिनिटांची

आदिवासी भागांत ५० विद्यार्थ्यांचा निकष