संस्थांना १० जुलैपर्यंंत संस्थांना शिक्षणसेवक, शिक्षक पदभरती जाहिरातीसाठी कार्यवाही करता येणार आहे. दोन महिन्यानंतरही पदभरतीच्या मोजक्याच जाहिराती पोर्टलवर असल्याचे डीएड, बीएडधारकांचे म्हणणे आहे.

पवित्र प्रणालीमार्फत शिक्षणसेवक, शिक्षक पदभरती जाहिरातीच्या नोंदी करण्यासाठीची प्रक्रिया सुरू आहे. जाहिरातीच्या कार्यवाहीची प्रक्रिया १ मेपासून सुरू आहे. प्रक्रियेला ३० जूनपर्यंत मुदतवाढ देण्यात आली होती. पात्रताधारकांचे पुढील प्रक्रियेकडे लक्ष लागले होते. यानंतर शिक्षण विभागाने पदभरती जाहिराती नोंदविण्यासाठी मुदतवाढ दिली. १० जुलैपर्यंत ही प्रक्रिया संस्थांना करता येणार आहे. बहुतांशी स्थानिक स्वराज्य संस्था व खासगी व्यवस्थापनांच्या जाहिराती अंतिम टप्प्यात आहेत. व्यवस्थापनास जाहिरात देण्यास काही कालावधी आवश्यकता असल्याने मुदतवाढ देण्यात येत असल्याचे विभागाने म्हटले आहे. राज्यात शिक्षक अभियोग्यता व बुद्धिमत्ता चाचणी पात्र विद्यार्थ्यांची संख्या दीड लाखांवर असल्याचे सांगण्यात येते.

प्रक्रियेत स्थानिक स्वराज्य संस्था, खासगी शाळांना रिक्त पदांसाठी पवित्र पोर्टलवर जाहिरात नोंदविण्यासाठी तीनवेळा मुदतवाढ देण्यात आली. प्रक्रियेला दोन महिने झाले. परंतु संस्थांकडून जाहिराती नोंदविण्याचे प्रमाण कमी असल्याचे सांगण्यात येते. विविध जिल्ह्यात अतिरिक्त शिक्षकांचे समायोजन प्रक्रिया अपूर्ण आहे. कनिष्ठ महाविद्यालयांच्या संचमान्यतेचा प्रश्न प्रलंबित आहे.

HPCL Recruitment 2026: फ्रेशर्स आणि अनुभवी उमेदवारांसाठी केंद्र सरकारची नोकरी! 'एचपीसीएल'मध्ये मेगा भरती; २.८० लाखांपर्यंत पगार

शिक्षकेतर कर्मचाऱ्यांचीभरती प्रक्रिया लवकरच