मुंबई : आयपीएल टी-२० क्रिकेट स्पर्धेतील रॉयल चॅलेंजर्स बेंगळुरूविरुद्धच्या सामन्याच्या वेळी रोहित शर्मा जायबंदी झाला, तेव्हापासून तो प्रत्येक सामन्यापूर्वी सराव करीत होता. मात्र, त्याला 'इम्पॅक्ट प्लेअर' म्हणूनही निवडले जात नव्हते.

मात्र, आता सोमवारी झालेल्या लखनौविरुद्धच्या सामन्याच्या वेळी सूर्यकुमार यादवने आपला रोहित परतलाय असे सांगताच वानखेडे स्टेडियमवर टाळ्यांचा कडकडाट झाला. मात्र या सामन्यामध्ये नियमित कर्णधार हार्दिक पांडयासुद्धा प्रकृती ठीक नसल्यामुळे तो खेळू शकला नाही, असे सूर्याने नाणेफेकीच्या वेळी सांगितले. या लढतीचे नेतृत्व सूर्याने केले. या सामन्यामध्ये सामनावीर म्हणून रायन रिकल्टन याला गौरवण्यात आले. सामना संपल्यावर रायन रिकल्टन याने हार्दिकच्या दुखापतीबाबत अपडेट दिली आहे.

रायन रिकल्टन काय म्हणाला?