मुंबई - प्राजक्ता माळी ही मराठी कलाविश्वातील लोकप्रिय अभिनेत्री असून ती मालिका आणि सिनेमांमधून प्रेक्षकांच्या भेटीला आली आहे. त्याचबरोबर प्राजक्ता 'महाराष्ट्राची हास्यजत्रा' या कार्यक्रमाचं सूत्रसंचालनही करते.
अभिनेत्री सोशल मीडियावरही कायम सक्रिय असते आणि चाहत्यांना तिच्याविषयीचे अपडेट्स देते. अनेकदा प्राजक्ता माळी इन्स्टाग्रामवर 'आस्क मी' सेशन घेते आणि चाहत्यांच्या प्रश्नांची उत्तरं देते. अशातच आता नुकत्याच एका 'आस्क मी' सेशनदरम्यान प्राजक्ता माळीनं लग्नाबद्दल भाष्य केलं आहे.
प्राजक्ता माळीचं चाहत्याच्या प्रश्नावर उत्तर
घरच्यांना समजावणं अवघड
काही दिवसांपूर्वी घेतलेल्या 'आस्क मी' सेशनमध्ये एका चाहत्याने प्राजक्ताला 'राष्ट्रीय प्रश्न...तू लग्न कधी करणार?' असं विचारलं. त्यावर प्राजक्तानंही सडेतोड उत्तर दिलेलं. अभिनेत्री म्हणाली, 'हा माझ्या आई-वडिलांचा प्रश्न आहे, तुमचा नाही'
दरम्यान, प्राजक्ता माळीच्या कामाबद्दल सांगायचं तर तिला 'जुळून येती रेशीमगाठी' या मालिकेनं ओळख मिळाली. अभिनेत्रीनं काही सिनेमांमध्येही काम केलं आहे. तसंच प्राजक्ता माळीनं निर्मिती क्षेत्रातही पदार्पण केलं असून तिचा 'फुलवंती' हा सिनेमा प्रदर्शित झालेला. या सिनेमात प्राजक्ता माळी मुख्य भूमिकेत होती. आता अभिनेत्री कोणत्या नव्या प्रोजेक्टमधून प्रेक्षकांच्या भेटीला येतेय, याकडे चाहत्यांचं लक्ष वेधलं आहे.