गेल्या सहा महिन्यांपासून पश्चिम आशियात सुरू असलेल्या अमेरिका आणि इराण यांच्यातील युद्धामुळे कतारच्या अर्थव्यवस्थेला मोठा फटका बसला आहे. जगातील एलएनजीच्या प्रमुख निर्यातदार कतारच्या निर्यातीत 96% मोठी घट झाली असून कतारला गॅस विक्रीत अंदाजे 24 अब्ज डॉलर्सचे नुकसान झाले.युद्धाच्या सहा महिन्यांत गेल्या वर्षीच्या याच कालावधीतील 509 खेपांच्या तुलनेत केवळ 18 एलएनजी खेपा रवाना झाल्या.

अमेरिका आणि इराण यांच्यात गेल्या सहा महिन्यांपासून संघर्ष पेटला असून यामुळे कतारच्या अर्थव्यवस्थेला मोठं नुकसान सहन करावं लागलं आहे. कतार जगातील सर्वात मोठ्या एलएनजी निर्यातदारांपैकी असून या संघर्षाचा सर्वाधिक फटका बसलेल्या देशांपैकी आहे. या संघर्षामुळे कतारच्या गॅस पायाभूत सुविधांचे नुकसान झालेच पण, होर्मुझच्या सामुद्रधुनीतील व्यत्ययामुळे देशाच्या मुख्य निर्यात स्रोतावर लक्षणीय परिणाम झाला.

कतारला गॅस विक्रीत अंदाजे 24 अब्ज डॉलर्सचे नुकसान झाले, जे देशाच्या अंदाजे पाच महिन्यांच्या उत्पन्नाइतके असल्याचा रॉयटर्सने अहवालातून दावा केला. तसेच सौदी अरेबिया, संयुक्त अरब अमिराती, इराक आणि कुवेत यांसारख्या इतर मध्य-पूर्वेकडील बाजारांवरही ऊर्जा पुरवठ्यातील व्यत्ययाचा परिणाम झाला, पण कतारला याचा विशेषतः मोठा फटका बसला.

मध्य-पूर्वेतील या संघर्षाच्या काळात कतार केवळ 18 एलएनजी खेपच रवाना करू शकला, तर गेल्या वर्षी याच कालावधीत 509 खेपा पाठवल्या होत्या. इतकेच नाही तर युद्धापूर्वी कतार जगाच्या दैनंदिन LNG मागणीपैकी सुमारे एक-पंचमांश मागणी पूर्ण करायचा, पण आता अमेरिकेतून होणाऱ्या एलएनजी निर्यातीमुळे पुरवठ्यातील काही तूट भरून काढण्यास मदत झाली तरीही या व्यत्ययामुळे जागतिक गॅस बाजार कमजोर झाली आहे.

संघर्ष सुरू झाल्यापासून काही दिवसांतच कतारच्या LNG उत्पादनावर परिणाम झाला. इराणने ड्रोन आणि क्षेपणास्त्र हल्ल्यांमध्ये जगातील सर्वात मोठ्या एलएनजी निर्यात प्रकल्प, रास लाफानला लक्ष्य केले. मार्च महिन्यातील आणखी एका क्षेपणास्त्र हल्ल्यामुळे कतारची एलएनजी निर्यात क्षमता 17% कमी झाली, ज्याच्या दुरुस्ती करण्यासाठी पाच वर्षांपर्यंत वेळ लागू शकतो.

त्याचवेळी आंतरराष्ट्रीय नाणेनिधी म्हणजे IMF ने यावर्षी कतारची अर्थव्यवस्था 8.6% आकुंचन पावू शकते, असा अंदाज वर्तवला. तसेच सहा आखाती देशांपैकी ही सर्वात मोठी आर्थिक घसरण असेल, असेही IMF ने पुढे म्हटले.

पण या धक्क्यामधून सावण्यासाठी कतारकडे मजबूत आर्थिक संसाधने आहेत, ज्यामध्ये 500 अब्ज डॉलर्सच्या कतार इन्व्हेस्टमेंट अथॉरिटी या सार्वभौम संपत्ती निधीचा समावेश आहे. कतारची लोकसंख्या अंदाजे 32 लाख असून यामुळे कतारची लोकसंख्या अंदाजे 32 लाख कमी आहे. मात्र तरीही दीर्घकाळापासून सुरू असलेल्या या व्यत्ययामुळे कतारला आर्थिक साठ्याचा वापर करण्यास भाग पडले, तर दुसरीकडे त्याच्या उत्पन्नाचा मुख्य स्रोत अजूनही प्रभावित आहे.