मुंबई : आयपीएल २०२६ मध्ये एक धक्कादायक घटना समोर आली होती. राजस्थान रॉयल्स वि. पंजाब किंग्ज मंगळवारी झालेल्या सामन्यामध्ये कॅप्टन रियान पराग याचा ई- सिगरेट (व्हॅपिंग) ओढताना दिसला होता.
रियान पराग याच्यावर मोठ्या प्रमाणात टीका झाल्याचं पाहायला मिळालं होतं, रियानवर कारवाई करण्याची मागणीही करण्यात आली होती. रियानने केलेल्या कृत्यावर बीसीसीआय काय कारवाई करणार याकडे सर्वांचं लक्ष लागलं होतं. अशातच एक मोठी अपडेट समोर आली असून रियानला त्याने केलेल्या कृत्याचा बीसीसीआयने झटका दिला आहे.
बीसीसीआयकडून रियानला दंड
पंजाब किंग्ज आणि राजस्थान रॉयल्स यांच्यात सामना सुरू होती. हा सामना राजस्थान संघाने जिंकला, मात्र दुसऱ्या दिवशी कॅप्टन रियान पराग याचा ड्रेसिंग रूमधील ई सिगरेट ओढतानाचा व्हिडीओ वाऱ्यासारखा पसरला. आयपीएलसारख्या प्रतिष्ठित लीगमध्ये झालेल्या अशा प्रकारच्या कृत्याने सर्वांनीच जाहीरपणे नाराजी व्यक्त केली होती.
दरम्यान, राजस्थान रॉयल्स संघाने आतापर्यंत ९ सामने खेळले असून त्यामधील सहा सामन्यामध्ये त्यांनी विजय मिळवला आहे. कर तीन सामन्यांत पराभवाचा सामना करावा लागला आहे. राजस्थान संघाचे १२ गुण असून त्यांचा नेट रनरनेट +०.६१७ आहे.पॉइंट टेबलमध्य चौथ्या स्थानावर आहे. परंतु दुसऱ्या, तिसऱ्या आणि चौथ्या स्थानी अससेल्या संघाचे गुण हे सारखेच आहेत. त्यामुळे अंतिम तीनसाठी मोठी रस्सीखेंच पाहायला मिळू शकते.