या वेळी अतिरिक्त आयुक्त प्राजित नायर, स्थायी समितीचे माजी अध्यक्ष विशाल तांबे, महापालिकेतील गटनेते काका चव्हाण आदी उपस्थित होते. त्यानंतर पत्रकारांशी बोलताना त्यांनी सरकारवर विविध मुद्द्यांवरून हल्लाबोल केला.

'डीजे' आणि आवाजाच्या वादात न अडकता संपूर्ण सांस्कृतिक आणि पारंपरिक वातावरणात लोकोत्सव कसा साजरा करता येतो, हे पुणेकरच देशाला दाखवून देऊ शकतात,' असे फडणवीस म्हणाले होते. त्यावर टोला लगावताना सुप्रिया सुळे म्हणाल्या, 'लोकमान्य टिळकांनी समाजाला दिशा देण्यासाठी उत्सव सुरू केला, तर 'डीजे'च्या वादासाठी नाही. सरकारने गणेश मंडळांना विश्वासात घेऊन कायद्याच्या चौकटीत मार्ग काढावा. प्रश्न सोडवता येत नसेल, तर सत्ताधाऱ्यांनी तसे स्पष्ट सांगावे.'