तसेच पदक आणि अल्पोपहार न मिळाल्याने हे धावपट्टू आणि शालेय विद्यार्थी स्पर्धक आणि त्यांच्या पालकांनी प्रशासनावर ताशेरे ओढले. विद्यार्थ्यांनी मुख्य व्यासपीठासमोर ठिय्या देत निषेधाच्या घोषणा दिल्या. तर दुसरीकडे धावपट्टू थेट ठाणे पालिका मुख्यालयात दाखल झाल्याने त्यांना रोखण्यात सुरक्षा रक्षकांची तारांबळ उडाली. त्यामुळे पालिकेच्या प्रशासकीय आयोजनाची तोकडी धाव पुन्हा एकदा अधोरेखित झाली.

लाखोंची बक्षिसे, भव्य दिव्य व्यासपीठ, नेतेमंडळी - कलाकारांची मांदियाळी असा थाटमाट असलेल्या ठाणे वर्षा महापौर मॅरेथॉन स्पर्धेच्या रविवारी सकाळी सहा वाजता सुरुवात होणे अपेक्षित होते. मात्र या स्पर्धेची विहित वेळेपेक्षा २० ते २५ मिनिटे उशिरा सुरवात झाल्याने अनेक स्पर्धकांचा हिरमोड झाला.

पदक आणि अल्पोपहारावरुन गोंधळ

विद्यार्थी आणि पालाकांची व्यासपीठावर घोषणाबाजी

राजकीय 'खेळ' रंगला