मुंबई - अमिताभ बच्चन आणि रेखा यांचे नातं हे बॉलिवूडमधील सर्वाधिक चर्चित नात्यांपैकी एक आहे. त्यावेळी, विवाहित असूनही अमिताभ यांचं रेखा यांच्यासोबत प्रेमसंबंध असल्याचा दावा केला जात होता.
मात्र, अभिनेत्यानं या नात्यावर कधीही भाष्य केलं नाही, केवळ रेखा यांचा उल्लेख आपली सह-अभिनेत्री म्हणून केला. पण, रेखा यांनी अनेक प्रसंगी अमिताभ यांच्याबद्दल आपलं प्रेम व्यक्त केलं आहे.
रेखा आणि अमिताभ यांचं नातं
काही वर्षांपूर्वी, सिमी गरेवालच्या शोमध्ये रेखा यांनी सांगितलं होतं की, त्यांचं अमिताभ बच्चन यांच्यावर मनापासून प्रेम आहे. काही वर्षांपूर्वी, अमिताभ यांनीही सिमी गरेवालच्या शोमध्ये रेखा यांच्याबद्दल भाष्य केलं होतं. जेव्हा अमिताभ बच्चन यांची ABCL प्रोडक्शन कंपनी अडचणीतून जात होती, तेव्हा ते पत्नी जया यांच्यासोबत सिमी गरेवाल यांच्या शोमध्ये आले होते. त्यावेळी, अभिनेत्यानं चर्चेत असलेल्या सर्व प्रश्नांची उत्तरे दिली. सिमी गरेवाल यांनी अमिताभ यांना रेखा यांच्यासोबतच्या त्यांच्या नात्याच्या अफवांबद्दल प्रश्न विचारले. त्यावेळी अमिताभ बच्चन यांनी प्रतिक्रिया दिलेली.
अमिताभ बच्चन म्हणाले होते की, 'ती माझी सह-कलाकार आणि सहकारी आहे. जेव्हा आम्ही एकत्र काम केलं, तेव्हा साहजिकच आमची भेट झाली. पण, आमच्यात काहीही नाही, बस्स एवढंच. पुरस्कार सोहळे किंवा एखाद्या कार्यक्रमाला आमची कधीकधी अचानक भेट होते. बस्स एवढंच.'
सिमी गरेवालनंही एकदा अमिताभ यांच्या रेखाबद्दलच्या वक्तव्यावर भाष्य केलं होतं. एका जुन्या मुलाखतीत तिनं सांगितलं होतं की, अमिताभ बच्चन आपल्या पत्नीसोबत त्यांच्या शोमध्ये आले होते, तेव्हा त्यांनी अमिताभ यांच्या आयुष्यातील प्रत्येक पैलूवर चर्चा केली होती. अभिनेत्यानं त्यांच्या सर्व प्रश्नांची प्रामाणिकपणे उत्तरे दिली होती. सिमी गरेवाल म्हणाली, 'त्या मुलाखतीनंतर काही लोक म्हणाले की अमिताभ बच्चन त्या प्रकारचे माणूस नाहीत, किंवा त्यांनी रेखाबद्दल सत्य सांगितलं नाही. मला वाटतं ते पूर्णपणे खरं बोलत होते.'
दरम्यान, रेखा आणि अमिताभ यांनी १०-१२ चित्रपटांमध्ये एकत्र काम केलं, त्यापैकी बहुतेक चित्रपट यशस्वी ठरले. त्यांची जोडी खूप चर्चेत होती, ज्यामुळे त्यांच्या प्रेमसंबंधांच्या अफवा पसरल्या होत्या. मात्र, १९८१ च्या 'सिलसिला' चित्रपटानंतर त्यांनी पुन्हा एकत्र काम केलं नाही.