२०११ नंतर भारताला अद्याप ट्रॉफी जिंकता आलेली नाही. भारताचे स्टार खेळाडू रोहित शर्मा आणि विराट कोहलीसुद्धा हा वर्ल्डकप खेळून निवृत्त होतील असं बोललं जात आहे. १६ वर्षांचा दुष्काळ संपवण्यासाठी बीसीसीआय तगडा संघ तयार करत आहे. अशातच एक बातमी समोर आली आहे की भारतीय वनडे संघातील खेळाडू श्रेयस अय्यर याच्यासाठी बॅकअप खेळाडू म्हणून टी-२० संघातील खेळाडूला विचारात घेतले जात आहे.

टाइम्स ऑफ इंडियाने दिलेल्या वृत्तानुसार, २०२७ च्या वनडे वर्ल्डकपच्या प्लॅनिंगमध्ये बीसीसीआय तिलक वर्माला श्रेयस अय्यरचा बॅकअप म्हणून तयार करण्याचा विचार सुरू केला आहे. तिलक वर्मा हा मुंबई इंडियन्सकडून खेळतो. आयपीएल प्रदर्शनानंतर त्याने टी-२० संघात आपली जागा पक्की केली होती. आता तो संघाचा उपकर्णधार आहे. मॅनेजमेंटचा मिडल ऑर्डरसाठी एक विश्वासार्ह पर्याय उभा करण्यावर भर आहे, आणि टॉप-६ मधील श्रेयसच्या जागेसाठी तिलकचे नाव आघाडीवर आहे. याचे मुख्य कारण म्हणजे सध्याच्या वनडे संघात उजव्या हाताच्या फलंदाजांची संख्या जास्त असताना तिलक डावखुरा असल्याने संघात लेफ्ट-राईट कॉम्बिनेशनमुळे बॅलन्स येईल.

रिपोर्टमध्ये असंही आहे की, तिलककडे केवळ एक फलंदाज म्हणून नाही, तर एक अतिरिक्त बॉलिंग ऑप्शन म्हणून पाहिले जात आहे. त्याच्या ऑफ-स्पिन गोलंदाजीमध्ये क्षमता असल्याचं टीम मॅनेजमेंटला वाटत असून, तो टॉप ऑर्डरमध्ये ४ ओव्हरची जबाबदारी सांभाळू शकल्यास संघाचा मोठा फायदा होईल.

खरी तयारी न्यूझीलंड दौऱ्यापासून