Baramati By-election 2026 Candidates : बारामती ।राज्याचे दिवंगत माजी उपमुख्यमंत्री अजित पवार यांच्या निधनामुळे रिक्त झालेल्या बारामती विधानसभा मतदारसंघाच्या पोटनिवडणुकीने आता वेगळे वळण घेतले आहे.
ही निवडणूक 'बिनविरोध' करण्यासाठी सत्ताधारी भाजपने सुरुवातीला प्रयत्न केले असले, तरी प्रत्यक्ष मैदानात सुनेत्रा पवार यांच्यासमोर अपक्ष आणि इतर पक्षांच्या उमेदवारांचा मोठा फौजफाटा उभा राहताना दिसत आहे. अधिकृत उमेदवारी अर्ज भरण्याची प्रक्रिया सुरू असतानाच आतापर्यंत १९ जणांनी आपले नामांकन दाखल केले आहे.
राष्ट्रवादी काँग्रेसने ( शप ) उमेदवार देणार नाही अशी घोषणा केली होती तसंच निवडणूक बिनविरोध व्हावी अशी इच्छा व्यक्त केली होती. मात्र असं करताना महाविकास आघाडीतील घटक पक्ष असलेल्या काँग्रेसने उमेदवार देण्याची घोषणा केल्यानंतर मात्र राष्ट्रवादी कॉंग्रेस ( शप ) कडून काहीच हालचाल झाली नाही. राहुल गांधी यांच्याशी जवळचे संबंध असलेल्या शरद पवार , सुप्रिया सुळे किंवा रोहित पवार यांनी त्यांच्या कोट्यातील या जागेवर काँग्रेसचा उमेदवार जाहीर न करण्याबाबत हायकमांड कडे कुठलीही चर्चा केली नाही. त्यामुळे काँग्रेसचे अध्यक्ष मल्लिकार्जुन खरगे यांनी काँग्रेसकडून ॲडव्होकेट आकाश मोरे यांना रिंगणात उतरवले आहे.
या पार्श्वभूमीवर आमदार रोहित पवार यांनी ट्विट करतं म्हणाले आहेत की,"बारामती विधानसभा मतदारसंघात होणाऱ्या पोटनिवडणुकीसाठी सुनेत्राकाकी आज उमेदवारी अर्ज दाखल करतायेत. ही निवडणूक बिनविरोध व्हावी अशी आमच्या सर्वांची इच्छा आहे, त्यामुळं उमेदवारी अर्ज भरणाऱ्या इतरांना आणि त्यांच्या पक्षालाही ही निवडणूक बिनविरोध करण्याची आमची विनंती आहे आणि ते मान्य करतील असा विश्वास आहे, परंतु तसं झालं नाही तर आजही अजितदादाच ही निवडणूक लढवत आहेत, असं समजून बारामतीकरांनी सुनेत्राकाकींना विक्रमी मताधिक्याने निवडून द्यावं, असं आवाहन" आमदार रोहित पवार यांनी केले आहे.
ओबीसी नेते लक्ष्मण हाके यांनी सांगितले की, 'मी कोणत्याही पक्षातून नाही, तर अपक्ष म्हणून उमेदवारी अर्ज दाखल करत आहे.'
बारामती विधानसभा पोटनिवडणुकीसाठी आतापर्यंत अर्ज केलेले उमेदवार:
* सतीश कदम (हिंदुस्तान जनता पार्टी)
* सागर भिसे (अपक्ष)
* अभिजीत बिचुकले (अपक्ष)
* राघू घटुकडे (न्यू राष्ट्रीय समाज पार्टी)
* गजानन गवळी (अपक्ष)
* त्रिशाला कांबळे (अपक्ष)
* दिलीप अळोणी (अपक्ष)
* दत्तात्रेय बेदरे (अपक्ष)
* अरुण निटुरे (राष्ट्रीय किसान बहुजन पार्टी)
* रजाक मुलाणी (अपक्ष)
* संदीप खरात (अपक्ष)
* विलास होळकर (अपक्ष, बारामती)
* दादा थोरात (अपक्ष, बारामती)
* अभिजीत कांबळे (अपक्ष, बारामती)
* मिथून आटोळे (अपक्ष, बारामती)
* संकेत गावडे (अपक्ष, बारामती)
अशा १९ जणांनी उमेदवारी अर्ज दाखल केले आहे. त्यामुळे ही पोटं निवडणूक चुरशीची ठरणार आहे.
Updated : 6 April 2026 10:06 AM IST
Follow
Next Story
Baramati By-election 2026 Candidates : बारामती ।राज्याचे दिवंगत माजी उपमुख्यमंत्री अजित पवार यांच्या निधनामुळे रिक्त झालेल्या बारामती विधानसभा मतदारसंघाच्या पोटनिवडणुकीने आता वेगळे वळण घेतले आहे. ही निवडणूक 'बिनविरोध' करण्यासाठी सत्ताधारी भाजपने सुरुवातीला प्रयत्न केले असले, तरी प्रत्यक्ष मैदानात सुनेत्रा पवार यांच्यासमोर अपक्ष आणि इतर पक्षांच्या उमेदवारांचा मोठा फौजफाटा उभा राहताना दिसत आहे. अधिकृत उमेदवारी अर्ज भरण्याची प्रक्रिया सुरू असतानाच आतापर्यंत १९ जणांनी आपले नामांकन दाखल केले आहे.
बारामती विधानसभा पोटनिवडणुकीसाठी आतापर्यंत अर्ज केलेले उमेदवार:
* सतीश कदम (हिंदुस्तान जनता पार्टी)
* सागर भिसे (अपक्ष)
* अभिजीत बिचुकले (अपक्ष)
* राघू घटुकडे (न्यू राष्ट्रीय समाज पार्टी)
* गजानन गवळी (अपक्ष)
* त्रिशाला कांबळे (अपक्ष)
* दिलीप अळोणी (अपक्ष)
* दत्तात्रेय बेदरे (अपक्ष)
* अरुण निटुरे (राष्ट्रीय किसान बहुजन पार्टी)
* रजाक मुलाणी (अपक्ष)
* संदीप खरात (अपक्ष)
* विलास होळकर (अपक्ष, बारामती)
* दादा थोरात (अपक्ष, बारामती)
* अभिजीत कांबळे (अपक्ष, बारामती)
* मिथून आटोळे (अपक्ष, बारामती)
* संकेत गावडे (अपक्ष, बारामती)