महापालिकेच्या माहितीनुसार, 4 एप्रिल ते 10 एप्रिल 2026 या कालावधीत प्रकल्पाच्या दुसऱ्या टप्प्याशी संबंधित तांत्रिक कामे हाती घेण्यात येणार आहेत. या कामांसाठी पाणीपुरवठा यंत्रणा काही काळासाठी बंद ठेवावी लागणार असून, त्यामुळे शहरातील विविध भागांमध्ये 24 तासांचा पाणीपुरवठा बंद ठेवण्याचा निर्णय घेण्यात आला आहे.

महत्त्वाचे म्हणजे, हा पाणीपुरवठा पूर्णपणे एकाच वेळी बंद न करता, वेगवेगळ्या भागांमध्ये ठराविक दिवशी टप्प्याटप्प्याने बंद ठेवण्यात येणार आहे. प्रत्येक भागात सकाळी 10 वाजता पाणीपुरवठा बंद होऊन पुढील दिवशी सकाळी 10 वाजेपर्यंत तो पूर्णपणे खंडित राहणार आहे.

4 एप्रिल 2026 : विरार पूर्व व पश्चिम

5 एप्रिल 2026 : नालासोपारा पूर्व व पश्चिम

6 एप्रिल 2026 : नवघर, वसई

7 एप्रिल 2026 : विरार पूर्व व पश्चिम

8 एप्रिल 2026 : नालासोपारा पूर्व व पश्चिम

9 एप्रिल 2026 : नवघर, वसई

10 एप्रिल 2026 : विरार पश्चिम व नालासोपारा पश्चिम

या कालावधीत विरार, नालासोपारा आणि वसई परिसरातील नागरिकांना पाणीटंचाईचा सामना करावा लागू शकतो. विशेषतः उन्हाळ्याच्या पार्श्वभूमीवर पाण्याची गरज अधिक असल्याने नागरिकांसमोर मोठे आव्हान उभे राहण्याची शक्यता आहे.

महापालिकेने स्पष्ट केले आहे की, हे काम अत्यंत महत्त्वाचे असून 'सूर्या योजना'च्या दुसऱ्या टप्प्याच्या पूर्ततेसाठी आवश्यक आहे. या प्रकल्पामुळे भविष्यात शहरातील पाणीपुरवठा अधिक सक्षम आणि सुरळीत होणार असल्याचा दावा प्रशासनाने केला आहे.

दरम्यान, नागरिकांची गैरसोय कमी करण्यासाठी आवश्यक उपाययोजना करण्यात येत असल्याचेही सांगण्यात आले आहे. काम पूर्ण झाल्यानंतर पाणीपुरवठा पूर्ववत करण्यात येईल, असे आश्वासन देण्यात आले आहे.

पाणीपुरवठा बंद होण्यापूर्वी आवश्यक तेवढे पाणी साठवून ठेवावे

पाण्याचा वापर अत्यंत काटकसरीने करावा

अनावश्यक पाण्याची नासाडी टाळावी

महापालिकेच्या सूचनांचे पालन करून सहकार्य करावे

या पार्श्वभूमीवर नागरिकांनी योग्य नियोजन करून पाण्याचा वापर करणे गरजेचे असून, प्रशासनालाही काम वेळेत पूर्ण करून पाणीपुरवठा लवकरात लवकर सुरळीत करण्याचे मोठे आव्हान असणार आहे.