Sunday, 19 Jan, 8.30 pm My महानगर

ताज्या बातम्या
मुंबई-गोवा महामार्गावर भीषण अपघात, ४ जणांचा मृत्यू

मुंबई-गोवा महामार्गावर पेणजवळ एसटी आणि इको कार यांच्यामध्ये झालेल्या भीषण अपघातामध्ये ४ जणांचा मृत्यू झाला असून ३ जण गंभीर जखमी झाले आहेत. मृतांपैकी ३ जण जाहीच ठार झाले, तर एका व्यक्तीला रुग्णालयात दाखल केलं असता डॉक्टरांनी त्याला मृत घोषित केलं. इतर तिघा गंभीर जखमींना मुंबईत पुढील उपचारांसाठी नेण्यात आलं आहे. संध्याकाळी ६ वाजेच्या सुमारास हा अपघात झाला. या अपघातामध्ये संतोष भोनकर (४१), संतोष साखरकर (४२) आणि चांदोरकर (४०) या तिघांचा जागीच मृत्यू झाला आहे. पेण तालुक्यातल्या कोलेटीवाडीजवळ हा भीषण अपघात झाला. या आपघाताची नागोठणे पोलीस ठाण्यामध्ये नोंद करण्यात आली आहे.

अपघातग्रस्त बस

समोरासमोर झाली धडक

महामार्गावरून नागोठण्याकडून मुंबईच्या दिशेने निघालेल्या इको कारला समोरून येणाऱ्या एसटीच्या निमआराम बसची जोरात धडक बसली. रविवारी संध्याकाळी ही घटना घडल्यानंतर आसपासच्या लोकांनी जखमींना तातडीने रुग्णालयात पाठवण्यासाठी प्रयत्न केले. जखमींना मुंबईच्या एमजीएम रुग्णालयात दाखल करण्यात आल्याची माहिती मिळत आहे. यासंदर्भात वडखळ पोलीस पुढील तपास करत आहेत.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: My Mahanagar
Top